Gujarati News

વોશીંગ્ટનઃ યુ.એસ.માં સાયન્સ ટેકનોલોજી, એન્જીનીઅરીંગ એન્ડ મેથેમેટીકસ '(STEM)' ગ્રેજ્યુએટ  વિદેશી સ્ટુડન્ટસને સ્થાનિક કંપનીઓ દ્વારા ઓપ્શનલ પ્રેકટીકલ ટ્રેનીંગ (OPT) પ્રોગ્રામ અંતર્ગત ૧ વર્ષ માટે કામ કરવા નિમણુંક આપી શકાય છે. તથા આ ૧ વર્ષ પુરૃ થયા બાદ આ વિદેશી મૂળના ગ્રેજ્યુએટ વધુ ૨૪ માસ માટે કામ કરવા અરજી કરી શકે છે. આમ તેઓને કુલ ૩ વર્ષ સુધી કામ કરવાની મંજુરી મળે છે.

જો કે આ OPT પ્રોગ્રામ હેઠળ કામ કરતા ગ્રેજ્યુએટસના  કામના સ્થળની યુ.એસ. ઇમીગ્રેશન એન્ડ કસ્ટમ એન્ફોર્સમેન્ટ (ICE) ડીપાર્ટમેન્ટના અધિકારીઓ ચકાસણી કરી શકે છે. તથા આ પ્રોગ્રામનો ખરા અર્થમાં અમલ થાય છે કે કેમ તેની ચકાસણી કરી શકે છે. તથા કામ કરતા કર્મચારી સાથે પ્રશ્નોતરી પણ કરી શકે છે. જો જવાબ મળવામાં ભૂલ જણાય તો આ પ્રોગ્રામ હેઠળ કામ કરવાનો અધિકાર રદ પણ થઇ શકે છે. તેવું સમાચાર સૂત્ર દ્વારા જાણવા મળે છે.