Gujarati News

Gujarati News

News of Sunday, 29th November 2020

ખેડુત આંદોલનને લઈને જેપી નડ્ડાના નિવાસસ્થાને ઉચ્ચ સ્તરિય બેઠક: ગૃહમંત્રી, રક્ષામંત્રી અને કૃષિમંત્રી સામેલ

નવી દિલ્હી નવા કૃષિ કાયદાને લઈને ખેડુતોના આંદોલનને જોતા ભાજપ અધ્યક્ષ જેપી નડ્ડાના નિવાસસ્થાને ઉચ્ચ સ્તરિય મીટિંગ મળી છે. આ બેઠકમાં ભાજપ અધ્યક્ષ સિવાય કેન્દ્રીય ગૃહમંત્રી અમિતભાઈ  શાહ, રક્ષામંત્રી રાજનાથ સિંહ અને કેન્દ્રીય કૃષિ મંત્રી નરેન્દ્ર સિંહ તોમાર સામેલ થયાં.

કૃષિ કાનુનને લઈને દિલ્હીના સિમાડે છેલ્લા 4 દિવસથી પ્રદર્શન કરી રહેલા ખેડુત સંગઠનોએ પ્રદર્શનકારીઓને ઉત્તર દિલ્હીના બુરાડી સ્થિત મેદાનમાં જવા માટેની વાતચીત શરૂ કરવાના કેન્દ્રના પ્રસ્તાવનો અસ્વિકાર કરી દીધો છે.

તેમણે કહ્યું કે, તેઓ પોતાનું પ્રદર્શન રોકશે નહી અને કૃષિ કાયદા સામે વિરોધ શરૂ રાખશે. લગભગ 30 જેટલા ખેડુત સંગઠનોની રવિવારે મળેલી બેઠક બાદ તેમના પ્રતિનિધિઓએ જણાવ્યું કે તે બુરાડીના મેદાનમાં નહી જશે કારણ કે તે ખુલ્લી જેલ છે. તેઓ વાતચીત માટે કોઈ શરત નહી સ્વિકારે અને દિલ્હીમાં પ્રવેશતા તમામ પાંચ રસ્તાઓ જામ કરશે.

કૃષિ કાનુન સામે પ્રદર્શન કરી રહેલા ખેડુતોના ધરણાનો રવિવારે ચોથો દિવસ છે. ખેડુત દિલ્હની સરહદે 26 નવેમ્બરથી પ્રદર્શન કરી રહી છે. ખેડુત દિલ્હી-હરિયાણાંની સરહદે સિંધુ બોર્ડર પર એકઠાં થયાં છે. થોડાં ખેડુતો દિલ્હીના નિરંકારી સમાગમ મેદાનમાં હાજર છે. શનિવારે ખેડુતોએ નક્કી કર્યું છે કે તેઓ હજુ સિંધુ બોર્ડર પર જ પ્રદર્શન કરશે અને બુરાડીના નિરંકારી સમાગમ મેદાનમાં નહી જાય, આ સિવાય ખેડુતોએ નક્કી કર્યું છે કે તેઓ દરરોજ 11 વાગ્યે મીટિંગ કરશે અને આગળની રણનીતિ નક્કી કરશે

(12:05 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST

  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST