Gujarati News

Gujarati News

News of Tuesday, 30th June 2020

સમગ્ર મુંબઈના મહત્વના સ્થળોની સુરક્ષામાં પણ વધારો

મુંબઈની તાજ હોટલને ફુંકી મારવા પાકિસ્તાનથી ધમકી ભર્યો ફોન કોલ આવતા ખળભળાટઃ સુરક્ષા વધારી દેવાઈ

મુંબઈ, તા. ૩૦ :. મુંબઈની સુપ્રસિદ્ધ તાજ હોટલને ફુંકી મારવાની ધમકી મળતા ખળભળાટ મચી ગયો છે. આ ધમકી એક ફોન કોલ પર આપવામાં આવી હતી. હોટલ તાજ ઉપરાંત મુંબઈની હોટલ કોલાબા અને તાજ લેન્ડસ એન્ડને પણ ધમકી ભર્યો ફોન મળ્યો હતો.

જાણવા મળે છે કે આ ફોન કોલ ગઈરાત્રે ૧૨.૩૦ કલાકે પાકિસ્તાનથી આવ્યો હતો. ધમકી બાદ હોટલોની સુરક્ષા વધારી દેવામાં આવી છે. મળતા અહેવાલો મુજબ પાકિસ્તાનથી ત્રાસવાદી હુમલાની ધમકી આપવામાં આવી હતી. ધમકી બાદ પોલીસે તપાસ પણ શરૂ કરી છે. કોલ ડીટેઈલની વિગતો તપાસવામાં આવી રહી છે.

પોલીસે આ હોટલો ઉપરાંત મુંબઈના મહત્વના સ્થળોની સુરક્ષા પણ વધારી દીધી છે. આ ધમકી ભર્યા કોલને પગલે દરીયામાં પણ સુરક્ષા વધારી દેવામાં આવી છે.

અત્રે એ નોંધનીય છે કે ૨૦૦૮માં ત્રાસવાદીઓએ તાજ હોટલને નિશાના પર લીધી હતી.

(11:32 am IST)
  • ખાબોચીયાના પાણીમાં તરસ છીપાવતા ઉંટ : રાજસ્થાનના રણમાં તસ્વીરકારે સુંદર તસ્વીર કલીક કરી છે. રાજસ્થાનમાં પણ ચોમાસુ બેસી ગયું છે. પરંતુ વરસાદ હજુ જામ્યો નથી. ત્યારે રાજસ્થાનના રણ વિસ્તારમાં ઉંટોની નજર ખાબોચીયામાં ભરેલા પાણી ઉપર પડતા ઉંટો પોતાની તરસ છીપાવવા પહોંચી ગયા હતા. access_time 3:04 pm IST

  • ભારતમાં કોરોનાએ કાળોકહેર વર્તાવ્યો :છેલ્લા 24 કલાકમાં 18,339 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,67,536 કેસ: 2,15,301 એક્ટિવ કેસ :કુલ 3,35,271 દર્દીઓ રિકવર થયા :વધુ 417 લોકોના મોત સાથે કુલ મૃત્યુઆંક 16,904 થયો :મહારાષ્ટ્રમાં સૌથી વધુ નવા 5257 કેસ સાથે કુલ કેસની સંખ્યા 1,69,883 થઇ: તામિલનાડુમાં નવા 3949 કેસ :દિલ્હીમાં વધુ 2084 કેસ નોંધાયા: કર્ણાટકમાં 1105 નવા કેસ : તેલંગાણામાં નવા 975 કેસ :આંધ્ર પ્રદેશમાં વધુ 793 કેસ નોંધાયા access_time 1:08 am IST

  • મોટી કંપનીનું વિમાન રન-વેથી સ્લીપ થઇ ગયું ? : દેશના મોટા કોર્પોરેટ હાઉસનું ખાનગી વિમાન પરમ દિવસે હૈદ્રાબાદ એરપોર્ટ ઉપર રન-વેની બહાર ચાલ્યુ ગયાના અહેવાલો મળે છે. પાંખો અને લેન્ડીંગ ગીયર ડેમેજ થયાનું ન્યુઝ ફર્સ્ટ નોંધે છે. જો કે વિમાનમાં બેઠેલાઓ અને મુસાફરો સલામત છે. વિગતો મેળવાઇ રહી છે. access_time 3:51 pm IST