Gujarati News

Gujarati News

News of Sunday, 29th November 2020

સ્ટાર ઉર્મિલા માતોંડકરની રાજકારણમાં નવી ઇનિંગ્સ

અભિનેત્રી કોંગ્રેસ છોડી શિવસેનામાં જોડાશે : ગત વર્ષે કોંગ્રેસની ટિકિટ પર લોકસભાની ચૂંટણી લડનારી ઉર્મિલા માતોંડકર રાજકારણમાં નવી ઈનિંગ્સ શરૂ કરશે

મુંબઈ, તા. ૨૯ : ફિલ્મ અભિનેત્રી ઉર્મિલા માતોંડકર હવે નવી રાજકીય ઈનિંગ શરૂ કરવા જઈ રહી છે. ગત વર્ષે કોંગ્રેસ જોઈન કરી લોકસભા ચૂંટણી લડનારી ઉર્મિલા હવે શિવસેનામાં જોડાવવા જઈ રહી છે. મીડિયા રિપોર્ટસ મુજબ, ઉર્મિલા સોમવારે મહારાષ્ટ્રમાં સત્તાધારી શિવસેનામાં જોડાશે.

મળેલી જાણકારી મુજબ, શિવસેના ઉર્મિલાને વિધાનસભામાં મોકલવાની તૈયારીમાં છે. રાજ્યપાલ ભગતસિંહ કોશ્યારીની પાસે મહાવિકાસ અઘાડી સરકાર તરફથી મોકલાયેલા બે નામોની યાદીમાં ઉર્મિલાનું નામ પણ સામેલ છે. ગઠબંધનમાં સામેલ શિવસેના, એનસીપી અને કોંગ્રેસ ત્રણે પક્ષોએ ૪-૪ નામોની યાદી સોંપી છે.

તે પછીથી જ ઉર્મિલા શિવસેનામાં સામેલ થશે તેવી અટકળો ચાલી રહી છે. વિધાનસભાની આ બેઠકો છેલ્લા ૬ મહિનાથી ખાલી છે. રાજ્યપાલના કોટાની આ બેઠકો પર સ્પોર્ટસ, કળા, વિજ્ઞાન, શિક્ષણ, સાહિત્ય વગેરે ક્ષેત્રોમાંથી આવતા વિદ્વાનોની પસંદગી કરવામાં આવે છે.

ઉલ્લેખનીય છે કે, ઉર્મિલાએ ૨૦૧૯માં કોંગ્રેસની ટિકિટ પર મુંબઈ ઉત્તર બેઠક પરથી લોકસભાની ચૂંટણી લડી હતી. જોકે, બાદમાં મુંબઈ કોંગ્રેસની કામકાજની રીતને લઈને તેણે પાર્ટી છોડી દીધી હતી. તાજેતરમાં જ કંગના અને શિવસેનાના વિવાદમાં ઉર્મિલાએ કંગનાનો વિરોધ કરી શિવસેનાનો સાથ આપ્યો હતો.

(7:31 pm IST)
  • ભારતીય કંપનીઓ ઉપર મોટો સાયબર એટેક તોળાઇ રહ્યો છે : સુરક્ષા એજન્સીએ સંકેત આપ્યો છે કે આગામી દિવસોમાં કેટલીક કંપનીઓ પર ફરીથી મોટો સાયબર હુમલો કરવા "હેકરો" સુવ્યવસ્થિત ઓર્ગેનાઈઝ્ડ પ્લાનિંગ કરી રહ્યા છે (ન્યૂઝફર્સ્ટ) access_time 10:30 am IST

  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • ઇસ્લામાબાદમાં ફ્રેન્ચ દૂતાવાસમાં આગનું છમકલું : પાકિસ્તાનની રાજધાની ઇસ્લામાબાદમાં ફ્રેન્ચ દૂતાવાસમાં આગ લાગવાની ઘટના બંધ છે સ્થાનિક ચેનલના કહેવા મુજબ આગને તુરત જ ઠારી દેવામાં આવી હતી અને આગ કાબૂમાં આવી ગઈ છે. access_time 10:28 am IST