Gujarati News

Gujarati News

News of Sunday, 29th November 2020

ઉત્તર ભારતમાં હાડથીજાવતી ઠંડીનો માહોલ : દક્ષિણના રાજ્યોમાં ભારે વરસાદની આગાહી

નિવાર વાવાઝોડાએ આંધ્રપ્રદેશમાં આઠનો ભોગ લીધો : મૃતકોના પરિવારને 5-5 લાખની સહાયની જાહેરાત

નવી દિલ્હી : દિલ્હી સહીત ઉત્તર ભારતના મોટાભાગના વિસ્તારોમાં શિયાળો જામ્યો છે, હવામાન વિભાગે જણાવ્યું છે કે દક્ષિણ રાજ્યોમાં 1 ડિસેમ્બરથી ભારે વરસાદ પડી શકે છે. આંધ્રપ્રદેશના ચિત્તૂર અને કડપા જિલ્લામાં ચક્રવાત ‘નિવાર ’ ને કારણે થયેલા ભારે વરસાદ અને તેનાથી પૂરને કારણે છેલ્લા ત્રણ દિવસમાં આઠ લોકોનાં મોત નીપજ્યાં છે. રાજ્ય સરકારે શનિવારે જણાવ્યું હતું કે ચિત્તૂર જિલ્લામાં છ અને કડપા જિલ્લામાં બે લોકોના મોત થયા છે.

મુખ્ય પ્રધાન વાય.એસ.જગન મોહન રેડ્ડીએ મૃતકના સગાના પરિજનો ને પાંચ-પાંચ લાખ રૂપિયાની રોકડા આપવાની જાહેરાત કરી છે. દિલ્હીમાં લઘુત્તમ તાપમાન 10.1° સે અને મહત્તમ 26.4 સે નોંધાયું હતું. શહેરમાં હવાની ગુણવત્તા ફરીથી ‘નબળી વર્ગ’ સુધી પહોંચી ગઈ છે.

હરિયાણા અને પંજાબમાં તાપમાન સામાન્ય કરતા થોડું વધારે હતું. રાજ્યની સંયુક્ત રાજધાની ચંડીગઢમાં લઘુત્તમ તાપમાન 8.7 ડિગ્રી નોંધાયું હતું.

(10:39 am IST)
  • દેશમાં કોરોનાથી રિકવર થનારની સંખ્યા 88 લાખને પાર પહોંચી : રાત્રે 11 વાગ્યા સુધીમાં કોરોનાના નવા 41,465 કેસ નોંધાયા:કુલ કેસનો આંકડો 93,92,689 થયો :એક્ટીવ કેસ 4, 52, 960 થયા: વધુ 41,974 દર્દીઓ સ્વસ્થ થતા કુલ 88,00,860 રિકવર થયા :વધુ 482 લોકોના મોત સાથે કુલ મૃત્યુઆંક 1,36,720 થયો access_time 12:04 am IST

  • ઇસ્લામાબાદમાં ફ્રેન્ચ દૂતાવાસમાં આગનું છમકલું : પાકિસ્તાનની રાજધાની ઇસ્લામાબાદમાં ફ્રેન્ચ દૂતાવાસમાં આગ લાગવાની ઘટના બંધ છે સ્થાનિક ચેનલના કહેવા મુજબ આગને તુરત જ ઠારી દેવામાં આવી હતી અને આગ કાબૂમાં આવી ગઈ છે. access_time 10:28 am IST

  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST