Gujarati News

Gujarati News

News of Friday, 29th May 2020

પબ્લિક પ્રોવિડન્ટ ફંડ ખાતામાં જમા રકમના આધારે સૌથી ઓછા વ્‍યાજ દરે લોનની સુવિધા

નવી દિલ્હી: કોરોના વાયરસના કારણે લોકડાઉન લાગેલુ છે અને અનેક લોકોએ આર્થિક સમસ્યાનો સામનો કરવો પડી રહ્યો છે. આવામાં તેમના પબ્લિક પ્રોવિડન્ડ ફંડ (PPF) ખાતા તેમની ખુબ મદદ કરી શકે છે. પરંતુ અનેક લોકોને આ અંગેના ફાયદાની વધુ જાણકારી હોતી નથી. આવામાં અને તમને આજે પીપીએફ ખાતાના ફાયદા અંગે જણાવીએ છીએ. પીપીએફ ખાતાનું સંચાલન બેન્ક તથા પોસ્ટ ઓફિસમાં થાય છે અને તેમા જમા રકમ પર ભારત સરકાર તરફથી ગેરંટી મળે છે.

સૌથી ઓછા વ્યાજે મળે છે લોન

પીપીએફ ખાતાની સૌથી મોટી ખાસિયત છે કે તેમાં જમા રકમના આધારે તમે લોન લઈ શકો છો. આ લોન પર જે વ્યાજ આપવાનું હોય છે તે પર્સનલ લોન, ગોલ્ડ લોન, અને અન્ય પ્રકારના લોનથી ઘણું ઓછું હોય છે. આથી પીપીએફ ખાતામાં પડેલી રકમના બદલે તમે લોન લઈ શકો છો.

આટલો છે વ્યાજ દર

ટેક્સ અને રોકાણ સલાહકાર મણિકરણ સિંઘલે જણાવ્યું કે પીપીએફમાં જમા રકમ પર ફક્ત એક ટકો વ્યાજ આપવું પડે છે. જો કે અહીં એક વાતનું ધ્યાન રાખવાનું છે કે ખાતામાં જે રકમ જમા થશે તેના આધારે જ લોન મળશે. આ બાજુ બેન્ક અને અન્ય નાણાકીય સંસ્થાઓ તમારી આવકના આધારે લોન આપે છે.

લોન લેવા માટે આ છે નિયમો અને શરતો

બીજો નિયમ એ છે કે લોન ફક્ત ખાતાના ત્રણ વર્ષથી લઈને છ વર્ષ વચ્ચે જ મળશે. જો તમે તમારું પીપીએફ ખાતુ ડિસેમ્બર 2017માં ખોલાવ્યું હોય તો પછી તમે 2019થી લઈને 2022 સુધી જ લોન લઈ શકો છો.

ત્રીજો નિયમ છે ખાતામાં જમા કુલ રકમના ફકર્ત 25 ટકા જ તમને લોન તરીકે મળી શકશે. તેની ગણતરી બે વર્ષ બાદ જમા રકમના આધારે થશે. જો તમે ત્રીજા વર્ષમાં લોન લીધી છે તો તે માટે માર્ચ મહિનાના અંતિમ દિવસને આધાર ગણવામાં આવશે. એપ્રિલથી લઈને તમે કોઈ પણ મહિને લોન માટે અરજી કરો તો પણ ગણતરી 31 માર્ચ સુધી જમા રકમના આધારે જ થશે.

(4:52 pm IST)
  • રાજકોટમાં આજે લેવાયેલ 150 રિપોર્ટમાંથી 140 નેગેટિવ 7 પોઝિટિવ અને 3 નું રિઝલ્ટ બાકી: રાજકોટમાં ચાર રિપોર્ટ પોઝિટિવ : ગોંડલના બે રિપોર્ટ પોઝિટીવ આવ્યો access_time 8:24 pm IST

  • WHO સાથે સબંધો તોડતું અમેરિકા : ટ્રમ્પએ જાહેર કર્યું કે અમેરિકા આજે વર્લ્ડ હેલ્થ ઓર્ગેનાઇઝેશન સાથે સબંધોનો છેડો ફાડી નાખશે access_time 12:40 am IST

  • ભારતમાં કોરોનાએ ફૂફાડો માર્યો : છેલ્લા 24 કલાકમાં આજે અત્યાર સુધીના સૌથી વધુ 8101 કેસ વધ્યા: રાત્રે 12-30 વાગ્યા સુધીમાં દેશમાં કોરોનાના કુલ 1, 73,458 કેસ નોંધાયા : 85,840 એક્ટિવ કેસ : રિકવરીમાં જબરો વધારો :11,729 દર્દીઓ રિકવર થયા જબરો વધારો : કુલ 82,627 દર્દીઓ રિકવર થયા :વધુ 269 દર્દીના મોત સાથે કુલ મૃત્યુઆંક 4980 થયો :મહારાષ્ટ્રમાં સૌથી વધુ નવા 2682 કેસ સાથે કુલ સંક્રમિતની સંખ્યા 62,228 થઇ : તામિલનાડુમાં નવા 874 કેસ :દિલ્હીમાં 1105 નવા કેસ નોંધાયા access_time 12:53 am IST