Gujarati News

Gujarati News

News of Monday, 28th May 2018

ઓમાનમાં ભયાવહ વાવાઝોડું : ૩ ભારતીય સહિત ૧૪ મોત

ત્રણ વર્ષનો વરસાદ એક જ દિવસમાં ખાબક્‍યો : વિનાશકારી દ્રશ્‍યો

સાલાહા તા. ૨૮ : ઓમાન અને યમનના આઈલેન્‍ડ સોકોત્રા ખાતે ૧૭૦ કિલોમીટ પ્રતિ કલાકની ઝડપે ત્રાટકેલા વાવાઝોડાં ‘મેકુનુ'ને કારણે ત્રણ ભારતીયો સહિત ૧૪ લોકોનાં મોત થયા છે અને હજી ૪૦ લોકો લાપતા છે, જેમાં ભારતીયો પણ છે. ઓમાનમાં અનેક ભારતીયો અને ખાસ કરીને ગુજરાતીઓ વસેલા છે અને ત્‍યાંના સમુદ્રમાં માછીમારી કરનારા પણ અનેક ગુજરાતીઓ છે, જેને કારણે ગુજરાતમાં પણ ચિંતા પ્રવર્તી રહી છે. કેન્‍દ્ર સરકારે તેમને મદદ કરવા માટે તાકીદે નૌકાદળના બે જહાજ રવાના કરી દીધા છે. .

મસ્‍કત ખાતે ભારતીય દૂતાવાસે તેના સત્તાવાર ફેસબુક પેજ પર એક નિવેદન કર્યું છે કે ભારતીય નૌકાદળના બે જહાજ-આઈએનએસ દિપક અને આઈએનએસ કોચી-મુંબઈથી શનિવારે જ રવાના કરી દેવાયા હતા જે ત્‍યાં પહોંચી ગયા છે. અનાજ સહિત માનવીય જરૂરિયાતની વસ્‍તુઓ તથા હેલિકોપ્‍ટરથી સજ્જ આ જહાજ ત્‍યાં પહોંચી ગયા છે. રાહત અને બચાવ કામગીરીમાં તે લાગી જશે. ઓમાનની સેનાને પણ તેની જાણ કરી દેવાઈ છે અને તેના નાગરિકોની મદદ માટે પણ તે જરૂર પડશે તો કામ કરશે.

વાવાઝોડું ‘મેકુનુ' વધુ તીવ્ર બનીને કેટેગરી-૧માંથી કેટેગરી-૨માં પરિવર્તિત થયા બાદ તે ઓમાનના ધોફર અને અલ-વુસ્‍તા પ્રાંતમાં શનિવારે ત્રાટક્‍યું હતું. ૧૭૦ કિલોમીટ પ્રતિ કલાકની ઝડપે પવન ફૂંકાયો હતો અને ભારે વરસાદ પડ્‍યો હતો, જેમાં ખાસ્‍સું નુકસાન થયું હતું. ત્રણ વર્ષનો વરસાદ એક જ દિવસમાં ખાબકતા ચારે તરફ જળબંબાકારમાં કેટલાક લોકો તણાઈ ગયા હોવાના પણ અહેવાલ છે.(

(10:23 am IST)
  • પાકિસ્તાનના સિંધ પ્રાંતની એસેમ્બલીએ હિન્દૂ વિધવા મહિલાઓને બીજા લગ્ન કરાવાનો અધિકાર આપ્યો :હિન્દૂ મહિલાઓ તેના પતિના મૃત્યુના છ મહિનામાં બીજા લગ્ન કરી શકશે :તે લગ્ન ખતમ કરવાની અરજી પણ આપી શકશે : આ પહેલા અલ્પસંખ્યક મહિલાઓ,વિધવાઓ અને છૂટાછેડા લીધેલીને કાનૂની રીતે બીજા લગ્ન કરવાની અનુમતિ નહોતી access_time 1:13 am IST

  • ઉત્તર પ્રદેશના ઉન્નાવ જિલ્લામાં વીજળી પડતા પાંચ લોકોના મોત :4 લોકો ઘાયલ :જિલ્લામાં જોરદાર આંધી અને વાવાઝોડાને કારણે કેટલાય સ્થળે વીજળી ખાબકી હતી :દેશના હવામાનમાં પલટો ;કેરળમાં ચોમાસુ પહોચ્યું :આગામી 24 કલાકમાં વિભિન્ન જગ્યાંએતાપમાં ઘટવાની સાથે ગરમીમાં રાહત મળવાની શકયતા છે access_time 1:12 am IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST