Gujarati News

Gujarati News

News of Monday, 28th May 2018

શેન વોટસનની શાનદાર સદીથી ચેન્નાઇએ ત્રીજીવાર આઇપીએલનું ટાઇટલ જીતી ચેમ્પિયન બની : હૈદરાબાદે આપેલ 179 રનનો ટાર્ગેટ ચેન્નાઈએ બે વિકેટ ગુમાવી આસાનીથી હાસંલ કર્યો

આઇપીએલ -2018ની ફાઇનલ મેચમાં શેન વોટસનની શાનદાર સદીની મદદથી ચેન્નઈ સુપર કિંગ્સે સનરાઇઝર્સ હૈદરાબાદને હરાવીને આઈપીએલ-2018નું ટાઇટલ જીતી લીધું છે.

   ચેન્નઈ સુપર કિંગ્સ 2010, 2011 બાદ ત્રીજીવાર આઈપીએલમાં ચેમ્પિયન બન્યું છે. હૈદરાબાદે ચેન્નઈને જીતવા માટે 179 રનનો ટાર્ગેટ આપ્યો હતો. જેને ચેન્નઈએ 2 વિકેટ ગુમાવીને હાસિલ કરી લીધો હતો. વોટસને 50 બોલમાં પોતાની સદી પુરી કરી હતી.

આઈપીએલની એક સીઝનમાં બે સદી ફટકારનાર વોટસન ચોથો બેટ્સમેન બની ગયો છે. આ સાથે આઈપીએલના ફાઈનલમાં સદી ફટકારનાર પ્રથમ ખેલાડી બની ગયો છે. વોટસન 57 બોલમાં 11 ફોર અને 8 સિક્સની મદદથી 117 રન બનાવી અણનમ રહ્યો હતો. 

  આ પહેલા હૈદરાબાદે શરૂઆત 4 ઓવરમાં શાનદાર બોલિંગ કરી હતી અને માત્ર 16 રન આપીને ચેન્નઈની એક વિકેટ ઝડપી હતી. ભુવીએ પોતાની બે ઓવરમાં પ્રથમ 10 બોલ ખાલી કાઢ્યા હતા. શેન વોટસને 11માં બોલમાં પોતાનું ખાતુ ખોલ્યું હતું. આ વચ્ચે ચેન્નઈ માટે ગત મેચનો હિરો ફાફ ડુ પ્લેસિસ (10) આઉટ થયો હતો. સંદીપ શર્માને આ સફળતા મળી હતી. 

(10:30 am IST)
  • તામિલનાડુના તુતીકોરીન જિલ્લામાં વિરોધ પ્રદર્શનમાં હિંસા ભડકતા લગાવેલ કલમ 144 હટાવાઈ :વેદાંતા ગ્રુપની કંપની સ્ટરલાઇનના કોપર યુનિટના વિરોધમાં હિંસા થતા વહીવટી તંત્રે 21મીએ કલમ 144 લાગુ કરી હતી :પોલીસ ગોળીબારમાં 13 લોકોના મોત થયા હતા. access_time 7:16 am IST

  • કેન્દ્ર સરકાર વિરુદ્ધ આમ આદમી પાર્ટી યુપીમાં પદયાત્રા કરશે :25 જૂનથી 8 જુલાઈ સુધી વારાણસીથી બલિયા વચ્ચે પદયાત્રા કરાશે : મોદી સરકારના ચાર વર્ષ પુરા થતા ભાજપ દ્વારા થતી ઉજવણી પર સવાલ ઉઠાવતા આપના સાંસદ સંજયસિંહ : લખનઉમાં પાર્ટી પદાધિકારી સાથે બેઠક યોજાઈ access_time 7:15 am IST

  • પાકિસ્તાનના સિંધ પ્રાંતની એસેમ્બલીએ હિન્દૂ વિધવા મહિલાઓને બીજા લગ્ન કરાવાનો અધિકાર આપ્યો :હિન્દૂ મહિલાઓ તેના પતિના મૃત્યુના છ મહિનામાં બીજા લગ્ન કરી શકશે :તે લગ્ન ખતમ કરવાની અરજી પણ આપી શકશે : આ પહેલા અલ્પસંખ્યક મહિલાઓ,વિધવાઓ અને છૂટાછેડા લીધેલીને કાનૂની રીતે બીજા લગ્ન કરવાની અનુમતિ નહોતી access_time 1:13 am IST