Gujarati News

Gujarati News

News of Wednesday, 27th January 2021

નવનીતસિંઘનું ટ્રેકટર ઉંધુ પડ્યું અને તે મોતને ભેટ્યા એ પહેલા ગોળી વાગ્યાનો સાથી દેખાવકારોનો આક્ષેપ

આંધ્ર એજ્યુકેશન સોસાયટીના સીસીટીવી ચેક કરવા ખેડૂત દેખાવકારોની માંગણી

નવી દિલ્હીઃ ગઇકાલે પ્રજાસત્તાક દિનના રોજ મહિનાઓની ચાલી રહેલા ખેડૂત આંદોલન સંદર્ભે શાંતિપુર્ણ ટ્રેકટર રેલીનું આયોજન ખેડૂત મોરચાઓ દ્વારા કરવામાં આવ્યું હતું. આ દરમિયાન નવનીતસિંઘ નામના ખેડૂત દેખાવકારનું ટ્રેકટર ઉંધી વળતાં તેનું મૃત્યુ નિપજ્યાના ફૂટેજ ટેલીવિઝન સ્ક્રીન ઉપર અને વિડીયો કલીપમાં વાયરલ થયા હતાં. પ્રાથમિક તબક્કે આ ઘટના ટ્રેકટર ઉંધુ પડતાં મૃત્યુની હોવાનું સપાટી પર આવ્યું હતું. પરંતુ આ દેખાવમાં નવનીતસિંઘ સાથે રહેલા સાથી ખેડૂતો પૈકીના ઉત્તરાખંડના  હરમનજીતસિંઘે જણાવ્યું હતું કે અમે બધા સાથે શાંતિપુર્ણ વિરોધ પ્રદર્શિત કરી રહ્યા હતાં. નવનીતસિંઘને ગોળી વાગી હતી અને મૃત્યુ પામ્યો તેના અમે સાક્ષી છીએ. ગોળીબાર આંધ્ર એજ્યુકેશન સોસાયટી-દિનદયાળ ઉપાધ્યાય માર્ગ ઉપર થયો હતો. હું ટ્રેકટરની પાસે ચાલી રહ્યો હતો. નવનીતસિંઘ ટ્રેકટર ચલાવી રહ્યો હતો ત્યારે તેને ગોળી વાગી હતી. પાછળથી ટ્રેકટર ઉંધુ પડ્યું હતું. હરમનજીતસિંઘે ઉમેર્યુ કે દિલ્હી પોલીસ નવનીતસિંઘના મૃતદેહનો કબ્જો લેવા માંગતી હતી. પણ ખેડૂત પ્રદર્શનકર્તાઓએ તેમને અટકાવ્યા હતાં. ગાઝીપુર ખાતે ચાલી રહેલા શાંતિપુર્ણ પરેડ અને દેખાવો વખતે નવનીતસિંઘ અને હરમનજીતસિંઘ સહિતના એક ખેડૂત ગ્રુપમાં સામેલ હતાં. પોલીસે ત્યારે લાઠી ચાર્જ કર્યો હતો અને ટીયરગેસના સેલ છોડ્યા હતાં. આંધ્ર એજ્યુકેશન સોસાયટી કે જે જ્યાં બનાવ બન્યો ત્યાં બે સીસીટીવી કેમેરા ફીટ થયેલા છે તેને ચેક કરી ઘટનાનું સત્ય બહાર લાવવા માંગણી કરવામાં આવી છે. નવનીતસિંઘના તિરંગાથી વીંટળાયેલા મૃતદેહ સમક્ષ વિરોધ પ્રદર્શીત કરી રહેલા સાથી દેખાવખારો જોઇ શકાય છે.

(3:48 pm IST)
  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST

  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST