Gujarati News

Gujarati News

News of Saturday, 26th May 2018

હવે અમેરિકામાં પણ ‘‘સમળી''નો ત્રાસઃ મહિલાઓએ પહેરેલા સોનાના ચેન દાગીનાની ચિલઝડના બનાવો શરૂઃ ફ્રેમોન્‍ટ કેલિફોર્નિયામાં ચાલુ માસની ૧૭ તારીખ સુધીમાં ૬ બનાવો પોલીસ ચોપડે નોંધાયાઃ ભોગ બનનાર મહિલાઓમાં મોટા ભાગની ઇન્‍ડિયન અમેરિકન હોવાનું અનુમાન

કેલિફોર્નિયાઃ હવે અમરિકામાં પણ ‘સમળી'નો ત્રાસ મહિલાઓએ પહેરેલા સોનાના ચેન તથા દાગીનાની ચિલઝડપ કરી નાસી છૂટનાર ગઠિયાઓએ ૨૦૧૪ની સાલમાં ફ્રેમોન્‍ટ કેલિફોર્નિયામાં મચાવેલ હાહાકાર ફરી પાછો ૪ વર્ષ પછી ૨૦૧૮ની સાલના મે મહિનામાં શરૂ થઇ ગયો હોવાનું સમાચાર સૂત્રો દ્વારા જાણવા મળે છે.

પ્રાપ્ત માહિતિ મુજબ ચાલુ માસની શરૂઆતથી ૧૭ તારીખ સુધીમાં સોનાના દાગીનાની ચિલઝડપના ૬ બનાવો નોંધાઇ ચૂકયા છે. આ ચિલઝડપનો શિકાર બનનારાઓમાં મોટા ભાગે મહિલાઓ છે. જેમાં મોટા ભાગની ભારતીય મૂળની મહિલાઓનો સમાવેશ થાય છે. આવા બનાવો મોટા ભાગે સ્‍કૂલે બાળકોને તેડવા કે મુકવા જવાના પિક અવર્સમાં બનેછે. તેવું સમાચાર સૂત્રો દ્વારા જાણવા મળે છે. જો કે આ ચિલઝડપનો ભોગ બનેલાઓ તથા તેના આરોપીઓના નામો હજુ સુધી જાહેર કરાયા નથી.

(9:53 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST