Gujarati News

Gujarati News

News of Friday, 26th April 2019

છેલ્લાં દસ વરસમાં મોટા ભાગના આઇપીઓમાં નેગેટિવ વળત ૧૬૪માંથી ૧૦૦ આઇપીઓમાં લાંબા ગાળે નિરાશા

ઘણા ખરા આઇપીઓમાં વેલ્યુએશન ઊંચા મુકાયાં હોવાથી ઇન્વેસ્ટરોને ભાગે ખાસ વળતર રહેતું નથી

મુંબઇ, તા.૨૬: વીતેલાં દસ વરસમાં શેરબજારમાં ભલે તેજી રહી હોય કે પછી સ્ટોક ઇન્ડેકસે નવા વિક્રમ હાંસલ કર્યા હોય, પરંતુ આઇપીઓ (ઇનિશ્યલ પબ્લિક ઓફરિંગ)ના બજારમાં નિરાશાજનક ચિત્ર જોવાયું છે. ૨૦૦૮થી ૨૦૧૮ના સમયગાળામાં આવેલા ૧૬૪ આઇપીઓમાંથી ૧૦૦ આઇપીઓમાં દસ વરસમાં વળતર નેગેટિવ થયું છે, જયારે ૪૪ આઇપીઓમાં પોઝિટિવ વળતર અને તે પણ ડબલ ડિજિટમાં જોવાયુ છે.

ઘણા ખરા આઇપીઓમાં વેલ્યુએશન ઊંચા મુકાયાં હોવાથી ઇન્વેસ્ટરોને ભાગે ખાસ વળતર રહેતું નથી. શરૂમાં મોટા ભાગના આઇપીઓમાં પોઝિટિવ વળતર જોવાય છે, પણ પછીથી લાંબા ગાળામાં તેમાં ટ્રેન્ડ બદલાવા લાગે છે તેમ જ વળતર પણ નકારાત્મક થઇ થાય છે.

કેટલીયે કંપનીઓ પ્રી-આઇપીઓ પોતાનું ભાવિ ચિત્ર ઉજજવળ દર્શાવે છે, જે ત્યારબાદ કામગીરી બજાવતી નથી યા બજાવી શકતી નથી. પરંતુ અગાઉ તેણે બતાવેલા ગુલાબી ચિત્ર અને મોટા વાયદાને લીધે રોકાણકારો તેના પ્રત્યે એ સમયે ખેંચાઇ જાય છે. એક અભ્યાસ મુજબ રિયલ એસ્ટેટ અને ઇન્ફ્રાસ્ટ્રકચર કંપનીઓ મોટા ભાગે સંપત્તિવિનાશક સાબિત થઇ છે, જેમાં રોકાણકારોએ ભારે ખોટ ખાવાની નોબત આવી છે.

(4:57 pm IST)
  • દુષ્કર્મ કેસમાં આસારામ પુત્ર નારાયણ સાંઈ દોષિત જાહેર : ૩૦મીએ સજાનુ એલાન થશે : સુરતની કોર્ટે સંભળાવ્યો ચુકાદો access_time 1:22 pm IST

  • મની લોન્ડરિંગ મામલે ઇડીએ હરિયાણાના પૂર્વ મુખ્યમંત્રી ઓમપ્રકાશ ચૌટાલા વિરુદ્ધ પૂરક ચાર્જશીટ દાખલ કરી :એડીએ આરોપમાં ઉલ્લેખ કર્યો છે કે દિલ્હી,પંચકુલા અને સિરસામાં ચાર સંપત્તિઓ વિષે 3, 68 કરોડ ની અસ્થાયી સંપત્તિ અને ચૌટાલા અને તેના પરિવાર જનોના બેન્ક ખાતામાં ગેરકાયદે રોકડ જમા કરીને આવકથી વધુ સંપત્તિને કાયદેસર બનાવી access_time 1:05 am IST

  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશેઃ વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે : તામિલનાડુ માટે રેડ એલર્ટ જાહેરઃ 'ફાની' FANI વાવાઝોડુ ધસમસી રહ્યુ છે access_time 11:22 am IST