Gujarati News

Gujarati News

News of Wednesday, 25th November 2020

ફૂટબોલના ભીષ્મપિતામહ આર્જેન્ટિનાના લેજેન્ડ ફુટબોલર ડિએગો મેરાડોનાનું 60 વર્ષની વયે હાર્ટએટેકથી નિધન : ચાહકોમાં ઘેરો શોક

બ્રેઈન સર્જરી બાદ બે સપ્તાહ પહેલા જ હોપિટલમાંથી રજા અપાઈ હતી : આર્જેન્ટિનાને વિશ્વકપ જીતાડવામાં મહત્વપૂર્ણ ભૂમિકા ભજવેલી

નવી દિલ્હી : ફૂટબોલના ભીષ્મપિતામહ આર્જેન્ટિનાના મહાન ફૂટબોલર ડિએગો મારાડોનાનું 60 વર્ષની વયે હાર્ટએટેકથી નિધન થયું છે. બે સપ્તાહ પહેલાં જ તેઓને હોસ્પિટલમાંથી રજા આપવામાં આવી હતી તેઓને બ્રેન સર્જરી માટે દાખલ કરવામાં આવ્યા હતા. મેરેડોના એક મહાન ફુટબોલર્સ હતા અને તેઓએ 1986માં આર્જેન્ટિનાને વર્લ્ડ કપ જીતાડવામાં મહત્વની ભૂમિકા ભજવી હતી આ ટૂર્નામેન્ટમાં તેમનો વિશ્વ પ્રસિદ્ધ ગોલ પણ સામેલ છે, જેને "હેડ ઓફ ગોડ"ના નામથી ઓળખવામાં આવે છે. આ ગોલની મદદથી આર્જેન્ટિનાએ ઈંગ્લેન્ડને ટૂર્નામેન્ટમાંથી બહાર કરી દીધું હતું.

16 વર્ષે આર્જેન્ટિના જુનિયર્સ માટે રમીને પ્રોફેશનલ કરિયરની શરૂઆત કરનાર મારાડોનાની ગણના વિશ્વના શ્રેષ્ઠ ફૂટબોલર્સમાં થાય છે. 1986માં પોતાના દેશને બીજા વાર વર્લ્ડ કપ જીતડવામાં તેમણે અગત્યની ભૂમિકા ભજવેલી હતી

(10:44 pm IST)
  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST

  • 2020 ની સાલમાં રાજકીય પાર્ટીઓએ ગુમાવ્યા દિગ્ગજ નેતાઓ : કોંગ્રેસના અહમદ પટેલ ,તરૂણ ગોગોઈ ,તથા પ્રણવ મુખરજી ,ભાજપના જસવંતસિંહ ,તથા લોક જનશક્તિ પાર્ટીના રામવિલાસ પાસવાને ચીર વિદાઈ લીધી access_time 12:44 pm IST