Gujarati News

Gujarati News

News of Thursday, 25th April 2019

અનંતનાગ જિલ્લામાં બે આતંકવાદીઓ ઠાર :મોટીમાત્રામાં હથિયારો મળ્યા

બિજબેહરા વિસ્તારમાં સર્ચ ઓપરેશન:આતંકીઓ ફાયરિંગ કરતા સુરક્ષાદળોની જવાબી કાર્યવાહી

જમ્મુ-કાશ્મીરના અનંતનાગ જિલ્લામાં સુરક્ષાબળોએ બે આતંકીઓને ઠાર માર્યા છે. અનંતનાગ જિલ્લાના બીજબેહરા વિસ્તારમાં સવારથી જ સુરક્ષાબળો અને ત્રાસવાદીઓ વચ્ચે અથડામણ ચાલી રહી હતી. હાલના વિસ્તારોમાં સર્ચ ઓપરેશન ચાલી રહ્યું છે. મરી ગયેલા બે આતંકીઓ પાસેથી ભારે જથ્થામાં હથિયાર મળી આવ્યો છે.

  દક્ષિણ કાશ્મીરના અનંતનાગ જિલ્લાના બિજબેહરા વિસ્તારમાં, સુરક્ષાબળોને આતંકીઓની છુપાયેલા હોવાની માહિતી મળી હતી, જેના પછી સુરક્ષાબળો અને જમ્મુ-કાશ્મીર પોલીસના જવાનોએ સવારે શોધ શરૂ કરી હતી. સર્ચ ઓપરેશન દરમિયાન આતંકીઓએ સુરક્ષાબળો પર ફાયરિંગ શરૂ કર્યું. સુરક્ષાબળોએ આતંકીઓના ગોળીબારની કથિત જવાબ આપીને બે આતંકીઓને ઠાર મારી નાખ્યા છે.

  આ પહેલા જમ્મુ-કાશ્મીરના બારમુલામાં સુરક્ષાબળોએ અથડામણમાં એક આતંકી માર્યો હતો. આતંકી સાથે અથડામણ ઉત્તર કાશ્મીરના બારમુલા જિલ્લાના વાટરગામ શહેરમાં થયું હતું. ઓપરેશનની જગ્યાએથી હથિયાઓ પણ મળી આવ્યા હતા.

(10:17 am IST)