Gujarati News

Gujarati News

News of Saturday, 24th October 2020

યુ.પી. પેટા ચુંટણીમાં બ્રાહ્મણ કાર્ડઃ કુશીનગરમાં તમામપક્ષોએ ફકત ત્રિપાઠીઓને જ ટીકિટ આપી

લખનૌ તા. ર૪: યુ.પી.ના રાજકારણમાં બ્રાહ્મણો કાયમ પ્રભાવી રહ્યા છે. પણ હાલમાં યુપીનું રાજકારણ સંપૂર્ણપણે બ્રાહ્મણ કેન્દ્રિત થઇ ગયું છે. ઉત્તર પ્રદેશની સાત વિધાનસભા બેઠકો માટે થઇ રહેલ પેટા ચુંટણીમાં રાજયની લગભગ ૧ર ટકા બ્રાહ્મણ વસ્તીને લોભાવવા માટે કોંગ્રેસ બ્રાહ્મણ કાર્ડ ખેલવાની તૈયારીમાં છે. કુશીનગરમાં બધા પક્ષોએ બ્રાહ્મણોમાં પણ ફકત ત્રિપાઠીઓને જ ટીકીટ આપી છે તો કોંગ્રેસે તો તેનાથી પણ એક ડગલું આગળ વધીને ચુંટણીનો મેચ જીતવા માટે ટી-ર૦ ની જેમ પોતાની ટી-ર૦ ટીમ ઉતારી છે. આ ટીમ દરેક જીલ્લામાં બ્રાહ્મણોને એક કરવા માટે બ્રાહ્મણ લીગલ ફોર્સના નામથી કામ કરશે.

બ્રાહ્મણ લીગલ ફોર્સની ટીમોની મદદ માટે ભૂતપૂર્વ અધિકારીઓ, વકીલો અને સમાજ સેવી સંગઠનોનું એક માર્ગદર્શક મંડળ પણ બનાવાશે. ભૂતપૂર્વ સાંસદ જીતીન પ્રસાદની બ્રાહ્મણ ચેતના પરિષદ પણ આ ફોર્સનો હિસ્સો હશે.

કોંગ્રેસની બ્રાહ્મણ લીગલ ફોર્સ બ્રાહ્મણો વચ્ચે વિશ્વાસ ઉભો કરવા અને બ્રાહ્મણો સામેની અપરાધિક ઘટનાઓમાં કાયદાકીય મદદની સાથે તેમને સામાજીક મદદ પણ કરશે. તે પીડિત પરિવારોના કેસ પણ લડશે. અત્યારે બ્રાહ્મણ-ચેતના પીરષદના પ્રમુખ ભૂતપૂર્વ આઇ.એે.એસ. વી. પી. મિશ્રા છે. રપ જીલ્લાઓમાં તેના પ્રમુખ જાહેર થઇ ચુકયા છે. મોટા ભાગના જીલ્લા પ્રમુખો યુવાનો છે જે પીડિત બ્રાહ્મણો માટે ર૪ કલાક ઉપલબ્ધ રહેશે.

(3:10 pm IST)
  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST