Gujarati News

Gujarati News

News of Thursday, 24th September 2020

દાંત સાફ કરતાં કરતાં આખું ટૂથબ્રશ જ પેટમાં ઉતરી ગયું: ડોકટર પાસે સર્જરી કરાવીને બહાર કઢાવવું પડ્યું

નવી દિલ્હી,તા. ૨૪: અરૂણાચલ પ્રદેશની રોઇંગ લોઅર દિબાંગ વેલીનો રહેવાસી ૩૯ વર્ષનો માણસ ગઈ ૧૫ સપ્ટેમ્બરે દાંત ઘસતો હતો ત્યારે બ્રશ છેક ગળા સુધી લઈ ગયો. આકસ્મિક રીતે એ બ્રશ સીધું પેટમાં ઊતરી ગયું. ત્યાર પછી એ માણસ સીધો ડોકટરો પાસે પહોંચ્યો. ડોકટરોને એ સ્થિતિમાં જોખમ જણાતાં દરદીના પેટમાંથી બ્રશ કાઢવાની જહેમત શરૂ કરી. ચોવીસ કલાકમાં દરદીના પેટમાંથી બ્રશ કાઢી નાખતાં તેને રાહત થઈ હતી.

૧૫મીએ બ્રશ પેટમાં જવાને કારણે અચાનક મુશ્કેલી ઊભી થતાં દરદીને સ્થાનિક ડોકટર પાસે લઈ જવાયો હતો. ડોકટરની સલાહ મુજબ તેને બકીન પર્ટીન હોસ્પિટલમાં દાખલ કરવામાં આવ્યો હતો. હોસ્પિટલમાં લેવાયેલા એકસરેમાં ઉદર પટલ સુધીના ભાગમાં બ્રશ ન દેખાયું ત્યારે કેસ બીજા સજર્યનને રિફર કર્યો હતો.

બીજા સજર્યને બ્રશ પેટમાં ઊતરી ગયું હોવાની શકયતા દર્શાવતાં દરદીની કેટલીક ટેસ્ટ કરવામાં આવી હતી. દરદીને પેટમાં કે અન્ય ભાગમાં કયાંય દુખાવો થતો નહોતો, પરંતુ પેટના ઉપરના ભાગમાં સહેજ અસ્વસ્થતા જણાતી હતી. છેવટે સર્જરી કરવાનો નિર્ણય લેવાયો હતો. જનરલ એનેસ્થેશિયામાં ૩૫ મિનિટની સર્જરી બાદ બ્રશ પેટમાંથી કાઢવામાં સફળતા મળી હતી.

(11:35 am IST)
  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST

  • હૈદ્રાબાદની ટીમમાં જેશન હોલ્ડરનો સમાવેશ :સનરાઈઝ હૈદ્રાબાદનો ઓલરાઉન્ડર મિચેલ :માર્શને પગની ઘૂંટીની ઈજા થતા આઈપીએલમાંથી આઉટ : તેના સ્થાને વિન્ડીઝના ઓલરાઉન્ડર જેશન હોલ્ડરનો ટીમમાં સમાવેશ access_time 2:53 pm IST

  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST