Gujarati News

Gujarati News

News of Thursday, 24th September 2020

લખનઉની ખાનગી હોસ્પિ.માં રિફર કરાયેલા ૪૮ દર્દીનાં મોત

ઉત્તર પ્રદેશના પાટનગરમાં સારવારમાં બેદરકારીઃ નોટિફાય કરાયેલી ચારેય હોસ્પિટલને નોટિસ પાઠવાઈ

લખનઉ, તા. ૨૩: યુપીના પાટનગર લખનઉમાં ખાનગી હોસ્પિટલોમાં કોરોના સંક્રમિત દર્દીઓની તપાસ, શિફ્ટિંગ અને સારવારમાં મોટી બેદરકારી બહાર આવી છે. શહેરના ચાર ખાનગી હોસ્પિટલોમાં કોરોના સંક્રમિત ૪૮ દર્દીઓને રેફર કરવામાં આવ્યા હતા. સારવાર દરમિયાન તમામ ૪૮ દર્દીઓના મોત થઈ ગયા છે. આ અંગે ડીએમે ચારેય ખાનગી હોસ્પિટલોને નોટિસ પાઠવીને જવાબ માગ્યો છે. નોટિસ મુજબ બેદરકારી દાખવનાર ખાનગી હોસ્પિટલો સામે એપિડેમિક એક્ટ હેઠળ કડક કાર્યવાહી પણ કરવામાં આવશે.

નિયમ મુજબ, હોસ્પિટલોમાં આવતા સામાન્ય દર્દીઓની પણ પહેલા કોરોનાની તપાસ થવી જોઈએ. મળતી માહિતી મુજબ ઘણી જગ્યાએ દર્દીઓને કોરોનાના ટેસ્ટ વગર દાખલ કરવામાં આવ્યા. બાદમાં જ્યારે દર્દીની તબિયત લથડી ત્યારે કોરોનાની તપાસ કરવામાં આવી. જેમાં કોરોનાનો રિપોર્ટ પોઝિટિવ આવ્યો હતો. આ ઉપરાંત ઘણી હોસ્પિટલોમાં કોરોના સંક્રમિત દર્દીઓને સ્થળાંતર કરવામાં પણ વિલંબ થવાના કિસ્સા બન્યા છે. જિલ્લા વહીવટીતંત્ર દ્વારા બહાર પાડવામાં આવેલી નોટિસ મુજબ, આ હોસ્પિટલોમાંથી સંદર્ભિત અને દાખલ કરાયેલા તમામ ૪૮ દર્દીઓનાં સારવાર દરમિયાન મોત નીપજ્યાં હતા. ડીએમ અભિષેક પ્રકાશે જણાવ્યું હતું કે દર્દીઓની તપાસમાં બેદરકારી સામે આવી છે. આ અંગે હોસ્પિટલો પાસેથી જવાબ માંગવામાં આવ્યો છે. હોસ્પિટલોમાં પૂછવામાં આવ્યું છે કે અત્યાર સુધી રેફર કરાયેલા તમામ દર્દીઓના મોત પાછળનું કારણ શું છે? હોસ્પિટલોને નોટિસની સાથે મોતને ભેટનારા સંક્રમિતોની યાદી પણ સોંપવામાં આવી છે. ડીએમે કહ્યું કે જવાબ મળ્યા બાદ હોસ્પિટલની કાર્યવાહી કરવામાં આવશે.

(12:00 am IST)
  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • રાજકોટ ભૂપેન્દ્ર રોડ સ્વામીનારાયણ મંદિરના સંત બોસ સ્વામી અક્ષર નિવાસી થયાઃ કોરોનાની સારવાર ચાલુ હતી : ભુપેન્દ્ર રોડ સ્વામીનારાયણ મંદિરના વધુ ત્રણથી ચાર સંતો અને પાર્ષદોને કોરોનાઃ હોસ્પિટલમાં સારવાર હેઠળઃ નિજ મંદિર તા.૧ ઓકટોબર સુધી બંધ access_time 1:40 pm IST

  • ઉત્તર પ્રદેશની યોગી સરકારનું ક્રાંતિકારી પગલું : મહિલાઓ ઉપર બળાત્કાર કરનારના ફોટા શહેરોના મુખ્ય રસ્તાઓ ઉપર મુકાશે : તેઓને મદદ કરનારના પણ નામ જાહેર કરાશે : મહિલા પોલીસ અધિકારી લુખ્ખાઓને સબક શીખવી દેશે access_time 1:52 pm IST