Gujarati News

Gujarati News

News of Thursday, 24th September 2020

ડ્રગ્સ ક્નેક્શનથી બૉલીવુડ ધણધણ્યું :દીપિકા,સારા, શ્રદ્ધા અને રકુલને એનસીબીની નોટિસ

દીપિકા પાદુકોણને 25મી સપ્ટેમ્બરે અને શ્રદ્ધા કપૂર અને સારા અલી ખાનને 26મીએ પૂછપરછ માટે બોલાવાયા

મુંબઈ: સુશાંત સિંહ રાજપૂત મોત કેસ સાથે ડ્રગ્સ કનેક્શનમાં બોલીવુડના અનેક મોટા નામ બહાર આવ્યા છે,જેમાં દીપિકા પાદુકોણ, સારા અલી ખાન, રકુલ પ્રીત સિંહ, શ્રદ્ધા કપૂરને પૂછપરછ માટે નોટિસ મોકલી છે. આવનારા ત્રણ દિવસમાં બધાને પૂછપરછનો સામને કરવો પડશે. દીપિકા પાદુકોણને 25મી સપ્ટેમ્બરે NCBએ બોલાવ્યો છે. જ્યારે શ્રદ્ધા કપૂર અને સારા અલી ખાનને 26મીએ પૂછપરછ માટે બોલાવ્યો છે.

દીપિકા પાદુકોણની મેનેજર કરિશ્મા પ્રકાશની NCBએ મંગળવારે પૂછપરછ કરી હતી. જાણકારી મુજબ તપાસકર્તાઓને કરિશ્માના ફોન પર વ્હોટ્સઅપ મેસેજ મળ્યા છે, જેમાં કોઇ “D” અને “K” વચ્ચે ડ્રગ્સની સગવડ અંગે વાતચીત છે.

મળતી માહિતી મુજબ દીપિકા હાલ ગોવામાં છે. તેની જેની સાથે ચેટ થઇ રહી હતી કરિશ્મા તે પણ કોઇ શૂટિંગ માટે ગોવામાં છે. કરિશ્માને પણ NCBએ પૂછપરછ માટે બોલાવી છે. પરંતું તેણે જેણે બીમારીનું બહાનું બનાવ્યું જે પછી પણ કરિશ્માને પણ નોટિસ મોકલ્યો છે.

 

 સારા અલી ખાન પણ તેની માં અમૃતા સિંહ સાથે ગોવાના ઘર પર છે. સારાનું સૌથી પહેલું નામ રિયા ચક્રવર્તીએ લીધુ હતું.નારકોટિક્સ કન્ટ્રોલ બ્યૂરો (NCB)એ કેસમાં સુશાંતની ગર્લફ્રેન્ડ રિયા ચક્રવર્તીની 9 સપ્ટેમ્બરે ધરપકડ કરી હતી. રિયા પર આરોપ છે કે તે તેના બોયફ્રેન્ડ સુશાંત માટે ડ્રગ્સની સગવડ કરતી હતી. સુશાંત કેસમાં મોટા પાયે ડ્રગ્સ કનેક્શનનો ખુલાસો કરનારી નારકોટિક્સ કન્ટ્રોલ બ્યૂરો (NCB)એ રિયા ચક્રવર્તીથી પૂછપરછમાં કેટલાક મહત્વપૂર્ણ રાજ ખોલ્યા છે. મળતી માહિતી મુજબ પોતાના નિવેદનમાં રિયાએ બોલિવુડના કેટલાક નામ જણાવ્યા છે.

(12:00 am IST)
  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • ખાનગી શાળાઓની ફી માં ઘટાડાનો મામલે કોંગ્રેસનું ગૃહમાંથી વોકઆઉટ, કોંગ્રેસ નેતા પરેશ ધાનાણીએ સરકાર પર લગાવ્યા આરોપ, 'સરકાર રાજકીય રોટલા શેકવા મસ્ત છે અને બીજી બાજુ ગુજરાતના યુવાધનનું ભવિષ્ય અંધકારમાં ધકેલાઈ રહ્યું છે' access_time 4:28 pm IST

  • દેશમાં કોરોના કેસનો આંકડો 57 લાખને પાર પહોંચ્યો : રાત્રે 10 વાગ્યા સુધીમાં નવા 58 હજારથી વધુ કેસ ઉમેરાયા :નવા કેસ કરતા સ્વસ્થ થનારની સંખ્યામાં સતત વધારો access_time 10:22 pm IST