Gujarati News

જયપુર,તા.૨૪: દેશમાં બાળકીઓ, સગીરાઓ, યુવતીઓ અને મહિલાઓ પર વધી રહેલા બળાત્‍કાર કે સામૂહિક બળાત્‍કારના કેસ દરમિયાન એક ચોંકવાનારો કેસ સામે આવ્‍યો છે. જે ફરીવાર પૂરવાર કરી રહ્યો છે કે, દેશમાંસ્ત્રીઓની રક્ષા માટે મજબૂત કાયદા હોવા છતાં તેમની સાથે દુષ્‍કર્મના કેસમાં વધારો થઇ રહ્યો છે.

હાલમાં સામે આવેલો આ ચોંકાવનારો કેસ રાજસ્‍થાનમાંથી સામે આવ્‍યો છે. જેમાં બે કિશોરોએ ૧૨ વર્ષની કિશોરી સાથે શાળામાં દુષ્‍કર્મ કર્યું હતું અને હવે પીડિતાઓ રાજયના જોધપુર ખાતે હોસ્‍પિટલમાં બાળકને જન્‍મ આપ્‍યો છે. રાજસ્‍થાન બાળ કલ્‍યાણ સમિતિાન પ્રમુખ ધનપત ગુર્જરે જણાવ્‍યું કે રવિવાર રાતે છોકરીના માતા-પિતા એને લઇને હોસ્‍પિટલ આવ્‍યા હતા. જે પછી તેણે બાળકને જન્‍મ આપ્‍યો હતો. તેમણે એમ પણ કહ્યું કે પીડિત સગીરા અને બાળક બંને સ્‍વસ્‍થ છે.

તેમણે જણાવ્‍યું કે સગીરાના માતા-પિતા એના પેટમાં તીવ્ર દુખાવો હોવાની ફરિયાદ સાથે હોસ્‍પિટલ લઇને આવ્‍યા હતા. પરંતુ હોસ્‍પિટલ દ્વારા સગીરા ગર્ભવતી હોવાનો ખુલાસો થતાં એના માતા-પિતાએ ડોક્‍ટર પર ગર્ભપાતનું દબાણ કર્યું હતું. પરંતુ ડોક્‍ટરે પોલીસને જાણ કરી હતી.

માહિતી મુજબ જોધપુર હોસ્‍પિટલમાં પીડિતાઓ પોલીસ અને તબીબ સમક્ષ ખુલાસો કર્યો કે શાળામાં બે છોકરાઓએ એની સાથે દુષ્‍કર્મ કર્યું હતું. આ કેસમાં પોલીસ દ્વારા કોઇ માહિતી આપવામાં આવી નથી પરંતુ બને આરોપી સગીરોની પૂછપરછ કરવામાં આવી રહી હોવાના અહેવાલ છે.

આ કેસના સામે આવ્‍યા પછી સીડબલ્‍યૂસીના સભ્‍યો પીડિતાના પરિવારને મળ્‍યા હતા અને સંભવિત મદદ કરવાનું આશ્વાસન આપ્‍યું હતું. રાજયના બાળ અધિકાર સંરક્ષણ આયોગ પણ આ કેસ અંગે સક્રિય બન્‍યું છે.