Gujarati News

Gujarati News

News of Friday, 24th May 2019

માયાવતીની વડાપ્રધાન બનવાની ઇચ્છા ધૂળમાં મળી ગઇ

ભાજપે ઉત્તર પ્રદેશમાં બસપા અને સપાના ગઠબંધનને ધોબીપછાડ આપી

લખનઊ તા. ૨૪ : માયાવતીએ વડા પ્રધાન બનવાની ઈચ્છા કયારેય વધારે શબ્દોમાં વ્યકત નહોતી કરી, પરંતુ લોકસભાની ચૂંટણીનાં પ્રચાર અભિયાન દરમિયાન તેમણે એવા પૂરતા સંકેત આપ્યા હતા કે જો વિપક્ષ ભાજપનો રથ રોકવામાં સફળ રહેશે તો તેઓ વડા પ્રધાનપદની સ્પર્ધામાં હશે.

આંબેડકરનગર ખાતે યોજાયેલી એક સભામાં માયાવતીએ એ યાદ તાજી કરી હતી કે ભૂતકાળમાં તેઓ આ બેઠક પરથી લોકસભામાં ચૂંટાઈ આવ્યાં હતાં. સમય જ કહેશે જો બધું સારી રીતે પાર પડશે તો મારે અહીંથી ફરી ચૂંટણી લડવી પડશે.

જો દિલ્હીનો માર્ગ ખુલ્લો થાય તો શકયતા છે કે તેઓ બાદમાં અહીંથી ચૂંટણી લડીને સંસદમાં પહોંચશે, એમ તેમણે કહ્યું હતું. જોકે, ચાર વખત ઉત્તર પ્રદેશના મુખ્ય પ્રધાન રહેલાં માયાવતી માટે આ વખતની લોકસભાની ચૂંટણીનાં પરિણામો નિરાશાજનક રહ્યાં છે.

વર્ષ ૧૯૯૫માં માયાવતી જયારે પ્રથમ વખત ઉત્તર પ્રદેશનાં મુખ્ય પ્રધાન બન્યાં હતાં ત્યારે ભૂતપૂર્વ વડા પ્રધાન પી. વી. નરસિંહરાવે તેમને લોકશાહીનો ચમત્કાર લેખાવ્યા હતા. ભાજપે ઉત્તર પ્રદેશમાં બસપા અને સપાના ગઠબંધનને ધોબીપછાડ આપી છે. જોકે, માયાવતીનાં પક્ષે વર્ષ ૨૦૧૪ની લોકસભાની ચૂંટણી કરતાં આ વખતની ચૂંટણીમાં સારો દેખાવ કર્યો છે. વર્ષ ૨૦૧૪ની લોકસભાની ચૂંટણીમાં બસપાને એક પણ બેઠક નહોતી મળી.

(10:08 am IST)
  • દેશભરના ભાજપના તમામ ચૂંટાયેલા ઉમેદવારોને દિલ્હીનું તેડું સંભવત આજે જશે દિલ્હી: પક્ષ તરફથી તમામને દિલ્હી જવાનું ફરમાન કરવામાં આવ્યું access_time 2:16 pm IST

  • રાજસ્થાનના સીએમ ગેહલોટ હવે રાહુલ ગાંધીની કરશે મુલાકાત :લોકસભા ચૂંટણીમાં રાજસ્થાનમાં કોંગ્રેસનો સફાયો થયો છે ત્યારે રાજસ્થાનના સીએમ અશોક ગેહલોત અને સચિન પાયલટ કોંગ્રેસ અધ્યક્ષ રાહુલ ગાંધી સાથે મુલાકાત કરી શકે છે access_time 2:06 pm IST

  • ઈન્ડિયન કાઉન્સિલ ઓફ મેડિકલ રિસર્ચ દ્વારા જૂનિયર ફેલોશિપ માટે વેકેન્સી જાહેર : જેના માટે 27મી મે સુધી અરજી કરી શકાશે. : જે વિદ્યાર્થીઓએ એમએસસી અને એમએમાં 55 ટકાથી વધારે ટકા મેળવ્યા હોય તેવાં વિદ્યાર્થીઓ જ ફેલોશિપમા માટે અરજી કરી શકશે access_time 2:10 pm IST