Gujarati News

Gujarati News

News of Wednesday, 24th February 2021

સરકાર માટે રાહતના સમાચાર

ચાલુ ત્રીમાહીમાં જીડીપી દરમાં થશે વધારો

અર્થવ્યવસ્થામાં તેજીથી સુધરી રહી છે સ્થિતિ : માંગ વધવાથી જોવા મળશે અસર

નવી દિલ્હી તા. ૨૪ : દેશનો જીડીપી ચાલુ નાણાકીય વર્ષ ડિસેમ્બરમાં પૂર્ણ થતી ત્રિમાહી દરમિયાન સકારાત્મક થઇ ૧.૩% પર પહોંચી શકે છે. આ પહેલાની બે ત્રિમાહી દરમિયાન કોરોના વાયરસ મહામારી ફેલાવાના કારણે એમાં મોટો ઘટાડો આવ્યો હતો. એક રિપોર્ટમાં કહેવામાં આવ્યું છે. ચાલુ વર્ષની ડિસેમ્બર ત્રિમાહીમ જીડીપી આંકડા સરકાર શુક્રવારે જારી કરશે. ડીબીએસ બેન્કની જારી એક રિપોર્ટમાં કહેવામાં આવ્યું છે કે નાણાકીય વર્ષ ૨૦૨૦-૨૧ દરમિયાન જીડીપીમાં ૬.૮% ઘટાડો રહી શકે છે. બેન્કની રિપોર્ટ અનુસાર કેલેન્ડર વર્ષ ૨૦૨૦ની છેલ્લી ત્રિમાહી(ઓકટોબર-ડિસેમ્બર)માં જીડીપી દર સકારાત્મક દાયરામાં આવી શકે છે.

ડીબીએસ સમૂહની રિસર્ચમાં ઈકોનોમિસ્ટ રાધિકા રાવે કહ્યું કે દેશમાં કોવિડ-૧૯ની સ્થિતિ તેજીથી સુધાર આવવા અને લોકોના ખર્ચ તેજીથી વૃદ્ઘિ થવાના બે એવા કારણ છે જે ડિસેમ્બર ૨૦૨૦ ત્રિમાહી માટે સારું હશે. ભારતની જીડીપીમાં પહેલી ત્રિમાહીમાં ૨૪% અને બીજી ત્રિમાહીમાં ૭.૫% ઘટાડો નોંધાયો છે. રિપોર્ટ મુજબ હવે ત્રીજી ત્રિમાહીમ આ સકારત્મક થઇ જશે અને એમાં ૧.૩%ની વૃદ્ઘિ થશે. એક રિસર્ચ રિપોર્ટ મુજબ, આર્થિક ગતિવિધિ પર પ્રતિબંધ હટાવ્યા પછી તહેવારોના વાતાવરણમાં માગ વધવા, બીજી ખપત વધવા અને ક્ષમતા ઉપયોગમાં સુધાર આવવાથી અર્થવ્યવસ્થામાં સુધાર આવ્યો છે. એની સાથે જ વિવિધ ક્ષેત્રોમાં ગતિવિધિઓ શરૂ થઇ છે. વર્ષ ૨૦૨૦-૨૧ની આર્થિક ક્ષમતા આવતા નાણાકીય વર્ષમાં સુધાર દરમિયાન ૧૧% વૃદ્ઘિનું અનુમાન લગાવવામાં આવ્યું છે. આ અનુમાન રિઝર્વ બેંકે ૧૦.૫% વૃદ્ઘિના અનુમાનથી થોડું વધારે છે. જો કે આંતરરાષ્ટ્રીય મુદ્રા કોષ (IMF) મુજબ ૨૦૨૧માં ભારત ૧૧.૫% વૃદ્ઘિ મેળવશે. આ પહેલા ત્રિમાહીઓમાં નેગેટિવ જીડીપી થયાના કારણે સરકારે વિપક્ષના પ્રહારો સહન કરવા પડ્યા હતા. જો કે કોરોના મહામારીને લઇ દુનિયાના મોટા-મોટા દેશોની ઈકોનોમીની હાલત ખરાબ થઇ ગઈ છે. હવે ડિસેમ્બર ત્રિમાહીમ જો જીડીપીના આંકડા પોઝિટિવ રહે છે તો ઈકોનોમી સાથે સરકાર માટે પણ મોટું બુસ્ટ હશે.

(10:52 am IST)
  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • દેશના બીજા નંબર સ્ટોક એક્સચેન્જ એનએસસીમાં મોટો ફોલ્ટ : દેશભરમાં શેરોના કામકાજ ઠપ્પ : હજારો બ્રોકરોને અસર : આજે સવારે ૧૧:૪૦ કલાકે નેશનલ સ્ટોક એક્સચેન્જમાં મોટો ટેકનીકલ ફોલ્ટ થતાં આ શેરબજાર બંધ કરી દેવાયુ છે : ઉચ્ચ અધિકારીઓ આ ફોલ્ટ માટે દોડી ગયા છે : એનએસસીમાં ફયુચર અને ડે ટુ ડે સોદા તથા ડિલીવરી કામકાજા બંધ થઈ જતાં દેશભરના હજારો બ્રોકરો અને લાખો ગ્રાહકોને મોટી અસર થઈ છે : સોદા અટકી પડતા દેકારો બોલી ગયો છે : મુંબઈ શેર બજાર રેગ્યુલર ચાલુ હોવાનું અધિકારી વર્તુળોએ જણાવ્યુ હતું access_time 12:00 pm IST

  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST