Gujarati News

Gujarati News

News of Monday, 23rd November 2020

કથિત નિવેદનો આપવના ગુન્હામાં મુંબઇ પોલીસ સમક્ષ કંગના રનૌત આજે અને તેની બહેન રંગોલી કાલે હાજર થાય તેવી સંભાવના

નવી દિલ્હી: બોલીવુડ અભિનેત્રી કંગના રનૌતને આજે મુંબઇ પોલીસ (Mumbai police) સમક્ષ હાજર થવાનું છે. મુંબઇ પોલીસે 18 નવેમ્બરના રોજ કંગના અને તેમની બહેન રંગોલી ચંદેલને સોશિયલ મીડિયા પર સાંપ્રદાયિક તણાવ ફેલાવવાના આરોપોને લઇને ત્રીજીવાર સમન મોકલ્યું હતું. બંને બહેનો પહેલાં બે સમન્સ મોકલ્યા હતા. બંને બહેનોને પહેલાં બે સમન્સ મળ્યા બાદ મુંબઇ પોલીસ સામે હાજર નહી થાય. જ્યાં કંગનાની હાજરી 23 નવેમ્બરના રોજ છે તો તો બીજી તરફ તેમની બહેન રંગોલીની હાજરી 24 નવેમ્બરના રોજ છે. 

કંગના અને રંગોલીએ ગત સાંજ સુધી મુંબઇ પોલીસની નોટિસનો કોઇ જવાબ આપ્યો નથી. એટલા માટે કહેવું મુશ્કેલ છે કે કંગના રનૌત આજે હાજર થશે કે નહી. આમ તો કંગના હાલ પોતાની બે ફિલ્મોની શૂટિંગમાં વ્યસ્ત છે. સોશિયલ મીડિયા પર તેમણે આ જાણકારી આપી હતી. 

આ પહેલાં બંને બહેનોને 26-27 ઓક્ટોબરના રોજ હાજર થવા માટે સમન મોકલવામાં આવ્યું હતું. ત્યારબાદ 9-10 નવેમ્બરના રોજ બંને બહેનોને સમન મોકલ્યું હતું. તેના પર કંગનાએ પોતાનો જવાબ પણ આપ્યો હતો. તેમણે કહ્યું હતું કે તેમના ભાઇના લગ્ન છે. તેથી તે 15 નવેમ્બર પછી હાજર થઇ શકશે. 

તમને જણાવી દઇએ કે બંને બહેનોને પહેલાં નોટિસ 21 નવેમ્બરના રોજ મોકલવામાં આવી હતી. કંગનાના વકીલે નોટિસનો જવાબ આપ્યો હતો. જેમાં કહેવામાં આવ્યું હતું કે કંગના હાલ હિમાચલ પ્રદેશમાં છે અને પોતાના ભાઇના લગ્નની તૈયારીઓમાં વ્યસ્ત છે. 

જોકે બાંદ્રા મેટ્રોપોલિટન મેજિસ્ટ્રેટની કોર્ટે ગત મહિને બોલીવુડના એક કાસ્ટિંગ ડાયરેક્ટર અને ફિટનેસ ટ્રેનર મુનવ્વર અલી સૈયદની ફરિયાદ પર પોલીસને તપાસના આદેશ આપ્યા હતા. આ ફરિયાદ કંગના અને તેમની બહેનના કથિત નિવેદનોને લઇને કરવામાં આવી હતી. ફરિયાદ બાદ બાંદ્રા પોલીસે બંને બહેનો વિરૂદ્ધ આઇપીસી કલમ 153-એ, 295-એ, 124-એ હેઠળ ફરિયાદ દાખલ કરી હતી. 

(5:33 pm IST)
  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • અમદાવાદની રાજપથ કર્ણાવતી અને બીજી કલબો કોરોના મહામારીની પરિસ્થિતિને લીધે બંધ રહેશે access_time 4:05 pm IST

  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST