Gujarati News

Gujarati News

News of Tuesday, 23rd October 2018

૨૦૧૯માં કોંગ્રેસ સત્તા પર આવશે એવું લખનારા કાર્યકર્તાનું મર્ડર

વ્યકિતની નહીં, લોકશાહીની હત્યા કરવામાં આવી છે તેવો મહારાષ્ટ્ર કોંગ્રેસના અધ્યક્ષ અશોક ચવાણનો આરોપ

મુંબઇ તા.૨૩: સોશ્યલ મીડિયા પર લખેલી પોસ્ટના પગલે ઘાટકોપરના કોંગ્રેસના કાર્યકર્તા મનોજ દુબેની હત્યા કરવામાં આવી હતી. મેટ્રોના અસલ્ફા સ્ટેશન નજીક રવિવારે રાતે દોઢ વાગ્યે ૪૫ વર્ષના મનોજ દુબે પર તલવાર અને છરા વડે હુમલો કરવામાં આવ્યો હતો. મનોજ દુબેની હત્યા કરનારા બીજેપીના કાર્યકર્તાઓ હોવાનો આક્ષેપ મહારાષ્ટ્ર કોંગ્રેસના ચીફ અશોક ચવાણે કર્યો હતો.

હુમલાની જાણ થતાં દુબેને સારવાર માટે રાજાવાડી હોસ્પિટલમાં ખસેડવામાં આવ્યો હતો એમ જણાવીને પોલીસે કહયું હતું કે 'તાજેતરમાં ફેસબુક પર લખાયેલી પોસ્ટ પરથી તેની હત્યા થઇ હોવાની શંકા વ્યકત કરાઇ છે. એમ કહેવાય છે કે  ૨૦૧૯માં કોંગ્રેસ સત્તા પર આવશે એવી પોસ્ટ તેણે કરી હતી અને આ મુદ્દે સોશ્યલ મીડિયા પર તેને બીજેપી અને બજરંગ દળના કેટલાક લોકો સાથે વિવાદ પણ થયો હતો. જોકે હજી સુધી સ્પષ્ટ કારણ જાણી શકાયું નથી. એની તપાસ કરવામાં આવી રહી છે.'

ભૂતપૂર્વ મુખ્ય પ્રધાન અને મહારાષ્ટ્ર કોંગ્રેસના અધ્યક્ષ અશોક ચવાણે ટ્વીટ કર્યું હતું કે 'બીજેપીના કાર્યકર્તાઓએ જ મનોજ દુબેની હત્યા કરી છે. આ એક કોંગ્રેસના કાર્યકર્તાની હત્યા નથી, લોકશાહીની હત્યા છે.'

(10:44 am IST)
  • બુધવારે પેટ્રોલના ભાવમાં લીટરે દસેક પૈસાનો થશે ઘટાડો :ડીઝલના ભાવમાં કોઈ ફેરફાર કરાશે નહીં :પેટ્રોલના ભાવમાં ઘટાડાનો દોર :ડીઝલના ભાવ રહેશે યથાવત :મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો લિટરે ઘટાડો થયો હતો :છેલ્લા આઠેક દિવસથી ઇંધણના ભાવમાં ઘટાડો થતા લોકોને રાહત ;વૈશ્વિક બજારમાં ક્રૂડના ભાવ તૂટતાં ઘટી રહ્યાં છે ઇંધણના ભાવ access_time 11:03 pm IST

  • દાહોદના ફતેપુરા ગામે સોના-ચાંદી ના વેપારીને ત્યાં આવકવેરા વિભાગનો સર્વે :હાલ વેપારીને ત્યાં સર્ચ ઓપરેશન શરૂ :બે જવેલર્સ પર આઇટીના સર્વેથી વેપારીઓમાં ફફડાટ access_time 7:08 pm IST

  • કચ્છ:કોટેશ્વર ક્રિક એરીયામાં BSFનું કોમ્બીંગ:કચ્છ ક્રિક સરહદ વિસ્તારમાંથી 4 થી 5 પાકિસ્તાની ઘુષણખોર ઝડપાયાની શક્યતા:કોમ્બીંગ સાથે બોટ અને વધુ ઘુસણખોરો અંગે BSFનુ સર્ચ access_time 7:15 pm IST