Gujarati News

Gujarati News

News of Saturday, 23rd May 2020

દુનિયાભરમાં ૫૩ લાખ લોકો કોરોનાથી સંક્રમિત ૨૪ કલાકમાં એક લાખ નવા કેસ અને ૫ હજાર મોત

દુનિયાભરના આશરે ૭૫ ટકા કેસ માત્ર ૧૨ દેશમાંથી સામે આવ્યા છે. આ દેશોમાં કોરોના પીડિતોની સંખ્યા ૪૦ લાખ છે

નવી દિલ્હી, તા.૨૩: કોરોના વાયરસનો પ્રકોપ દુનિયાભરમાં ફેલાઈ રહ્યો છે. દુનિયાના ૨૧૩ દેશોમાં છેલ્લા ૨૪ કલાકમાં ૧૦૭૭૦૬ નવા કોરોના વાયરસના નવા કેસ સામે આવ્યા છે અને મૃતકોની સંખ્યામાં ૫૨૪૫નો વધારો થયો છે. વર્લ્ડોમીટર મુજબ, દુનિયાભરમાં અત્યાર સુધીમાં ૫૩ લાખ લોકો કોરોના વાયરસથી સંક્રમિત છે.જેમાંથી ૩ લાખ ૩૯ હજાર ૪૧૮ લોકોના મોત થયા છે. જયારે ૨૧ લાખ ૫૬ હજાર ૨૮૮ લોકો સારવાર લઈ સ્વસ્થ થયા છે. દુનિયાભરના આશરે ૭૫ ટકા કેસ માત્ર ૧૨ દેશમાંથી સામે આવ્યા છે. આ દેશોમાં કોરોના પીડિતોની સંખ્યા ૪૦ લાખ છે.

દુનિયાભરના કુલ કેસમાંથી આશરે ત્રીજા ભાગના કેસ એકલા અમેરિકામાં સામે આવ્યા છે અને આશરે ત્રીજા ભાગના મોત પણ. અમેરિકા બાદ યૂકેમાં કોરોનાથી સૌથી વધુ અસર છે. અહીં ૩૬૩૯૩ લોકોના મોત થયા છે, જયારે ૨૫૪૧૯૫ લોકો કોરોનાથી સંક્રમિત છે.

રશિયા,બ્રાઝીલ,સ્પેન, યૂકે,ઈટલીમાં કોરોના કેસની સંખ્યા બે લાખને પાર પહોંચી છે. આ સિવાય ૬ દેશ એવા છે જયા એક લાખથી વધુ કોરોનાના કેસ છે. અમેરિકા સહિત આ ૧૨ દેશોમાં કુલ ૪૦ લાખ કેસ છે. અમેરિકા સિવાય રશિયા અને બ્રાઝીલમાં પણ કેસ ઝડપથી વધી રહ્યા છે. પાંચ દેશ (અમેરિકા, સ્પેન,ઈટલી,ફ્રાંસ, બ્રિટન)એવા છે, જયાં ૨૫ હજારથી વધુ મોત થયા છે. અમેરિકામાં મોતનો આંકડો ૯૭ હજારને પાર પહોંચ્યો છે. ચીન ટોપ-૧૦ સંક્રમિત દેશની યાદીમાંથી બહાર થઈ ગયું છે.

૧૨ દેશોમાં એક લાખથી વધુ કેસ

અમેરિકાઃ

કેસ- ૧,૬૪૫,૦૮૪,

મોત- ૯૭,૬૪૦

બ્રાઝીલઃ

કેસ- ૩૩૦,૮૯૦,

મોત- ૨૧,૦૪૮

રશિયાઃ

કેસ- ૩૨૬,૪૪૮,

મોત- ૩,૨૪૯

સ્પેનઃ

કેસ- ૨૮૧,૯૦૪,

મોત- ૨૮,૬૨૮

યૂકેઃ

કેસ- ૨૫૪,૧૯૫,

મોત- ૩૬,૩૯૩

ઈટલીઃ

કેસ- ૨૨૮,૬૫૮,

મોત- ૨૨૮,૬૫૮

ફ્રાંસઃ

કેસ- ૧૮૨,૨૧૯,  

મોત- ૨૮,૨૮૯

જર્મનીઃ

કેસ- ૧૭૯,૭૧૩,

મોત- ૮,૩૫૨

ટર્કીઃ

કેસ- ૧૫૪,૫૦૦,

મોત- ૪,૨૭૬

ઈરાનઃ

કેસ- ૧૩૧,૬૫૨, 

મોત- ૭,૩૦૦

(2:53 pm IST)
  • આડેધડ લાગુ કરાયેલા લોકડાઉનને કારણે કરોડો લોકોને આર્થિક નુકશાન થયું છે : લોકડાઉનનો હેતુ બર આવ્યો નથી : સંક્રમણ ઘટવાને બદલે વધ્યું છે : 22 વિપક્ષોની બેઠકમાં કોંગ્રેસ અગ્રણી રાહુલ ગાંધીનું મંતવ્ય access_time 12:28 pm IST

  • પાકિસ્તાનમાં વિમાની દુર્ઘટનાથી ભારતના વડાપ્રધાન શ્રી મોદી દ્રવિત : એકસો જેટલા નિર્દોષ નાગરિકોના મોત બદલ દુઃખ વ્યક્ત કર્યું : ઇજાગ્રસ્તો સાજા થાય તે માટે દુવા માંગી access_time 12:15 pm IST

  • દાદરા નગર હવેલીના સેલવાસમાં કોરોના પોઝિટિવ કેસ :મુંબઈથી સેલવાસ આવેલ એક પરિવારની ત્રણ મહિનાની બાળકીનો કોરોના રિપોર્ટ પોઝિટિવ :સેલવાસ આરોગ્ય વિભાગે માતા અને બાળકી બંનેને અલગ અલગ આઇસોલેટ કર્યા :સંક્રમણ ફેલાતું અટકવવા તંત્રની કામગીરી access_time 9:46 pm IST