Gujarati News

Gujarati News

News of Saturday, 23rd May 2020

ઘરેથી કામ નહીં, ઓફિસ ખુલવાની રાહ જોઈ રહ્યા છે ભારતીયો, મહિલાઓનો વધ્યો બોજઃ સર્વે

૬.૧ ટકા ભારતીય માનસિક તાણનો શિકાર બની રહ્યા છે

નવી દિલ્હી, તા.૨૩: કોરોના વાયરસની મહામારીને કારણે દુનિયાના મોટાભાગના ેદેશોમાં લોકડાઉન છે. ભારતમાં લોકડાઉનને ૨ મહિના થવા આવ્યા છે. તેમાં લોકો ઘરમાંથી બહાર નીકળી નથી શકતા, નોકરિયાતથી લઈને વેપારીઓ સુધી તમામે આર્થિક સંકટનો સામનો કરવો પડી રહ્યો છે. જોકે, લોકડાઉનના ચોથા ચરણમાં મોટાભાગની છૂટછાટો મળી છે. પરંતુ જીવનને સંપૂર્ણરીતે પાટા પર લાવવામાં હજુ સમય લાગશે. એવામાં લોકો પર માનસિક તણાવ વધી રહ્યો છે. હાલમાં જ કરવામાં આવેલા એક રિસર્ચમાં સામે આવ્યું છે કે, ૬.૧ ટકા ભારતીય માનસિક તાણનો શિકાર બની રહ્યા છે.

મિલેનિઅલ્સ ઈન્ડિયા દ્વારા કરવામાં આવેલા સર્વેમાં જેન જી એટલે કે ૧૯૯૭થી ૨૦૨૦ના વચ્ચે જન્મેલા લોકો અને મિલેનિઅલ્સ એટલે કે ૧૯૮૧થી ૧૯૯૬ના વચ્ચે જન્મેલા ૬૦૦ લોકોને ઓનલાઈન સવાલો પૂછવામાં આવ્યા. એપ્રિલથી મેની વચ્ચે કરવામાં આવેલા આ સર્વેમાં સામે આવ્યું છે કે, ૨૭ ટકા જેન જી અને ૧૯ ટકા મિલેનિઅલ્સના માનસિક સ્વાસ્થ્ય પર લોકડાઉનની ખરાબ અસર પડી છે.

બેબી બૂમર્સ એટલે કે ૧૯૪૬થી ૧૯૬૪ના વચ્ચે જન્મેલા લોકો પર તેની સૌથી ઓછી અસર જોવા મળી રહી છે અને આ લોકો કોરોનાના સંકટને વધુ સારી રીતે હેન્ડલ કરી રહ્યા છે. સર્વેમાં એ પણ સામે આવ્યું છે કે, લોકડાઉને પુરુષોની સરખામણીમાં મહિલાઓના જીવનને વધુ પ્રભાવિત કર્યું છે. લોકડાઉનને પગલે દ્યરોમાં નોકરો કામ નથી કરી રહ્યા. આ સાથે જ દ્યરમાં વધુ લોકો હોવાને કારણે મહિલાઓ પર કામનું પ્રેશર વધ્યું છે. આ જ કારણ છે કે, પુરુષોની સરખામણીમાં મહિલાઓ વધુ માનસિક તાણનો શિકાર બની રહી છે.

વર્ક ફ્રોમ હોમ પણ લોકો માટે મોટી મુશ્કેલી બનતું જઈ રહ્યું છે. જયાં મોટાભાગની કંપનીઓના ઘ્ચ્બ્ લોકડાઉન બાદ પણ પોતાના કર્મચારીઓને દ્યરેથી કામ કરાવવા અંગે વિચાર કરી રહ્યા છે, જયારે મોટાભાગના લોકો ઘરેથી કામ કરવાને યોગ્ય વિકલ્પ નથી માનતા. સર્વે અનુસાર, ૭૫ ટકા લોકોનું માનવું છે કે, ઘરેથી કામ કરવામાં તેમણે ઘણી મુશ્કેલીઓનો પણ સામનો કરવા પડી રહ્યો છે અને તેઓ ફરી ઓફિસ જઈને કામ કરવાની આતુરતાથી રાહ જોઈ રહ્યા છે.

(11:45 am IST)
  • પાકિસ્તાનમાં વિમાની દુર્ઘટનાથી ભારતના વડાપ્રધાન શ્રી મોદી દ્રવિત : એકસો જેટલા નિર્દોષ નાગરિકોના મોત બદલ દુઃખ વ્યક્ત કર્યું : ઇજાગ્રસ્તો સાજા થાય તે માટે દુવા માંગી access_time 12:15 pm IST

  • હવે જાગૃતતા માટે માટલાનો સહારોઃ આ તસ્વીર રાજસ્થાનના કિશનગઢની જ્યાં માટીના વાસણ બનાવનારે પીવાના પાણીના માટલા પર કોરોના પ્રત્યે જાગૃતતાનો સંદેશ લખ્યો છે તે દેખાય છે access_time 10:46 am IST

  • ઓસમાણ મીરનો જન્મદિવસઃ શુભેચ્છાવર્ષાઃ સુપ્રસિધ્ધ ગુજરાતી લોકગીત ગાયક- સ્વર સમ્રાટ ઓસમાણ મીરનો જન્મદિવસ ગઇકાલે હતો અનેક મિત્રો, શુભેચ્છકોએ અભિનંદન વર્ષા કરી હતીઃ આંધ્રપ્રદેશના રાજયસભાના સભ્ય શ્રી પરિમલ નથવાણીએ તેમના ટવીટર હેન્ડલ ઉપર ઓસમાણભાઇને શુભેચ્છા પાઠવી હતી access_time 10:26 am IST