Gujarati News

મદુરાઈ : મદ્રાસ હાઈકોર્ટની મદુરાઈ ખંડપીઠે તાજેતરમાં સરકારી આદેશો સામે જાહેર હિતની અરજીમાં નોટિસ જારી કરી હતી, જેમાં 2016, 2017 અને 2019માં હડતાળમાં ભાગ લેનારા સરકારી કર્મચારીઓ અને શિક્ષકો સામે શિસ્તભંગની કાર્યવાહી પાછી ખેંચવાના નિર્ણયને પડકારાયો હતો. (રામકુમાર આદિત્યન બી વિ. મુખ્ય સચિવ) .

જસ્ટિસ પુષ્પા સત્યનારાયણ અને પી વેલમુરુગનની બેન્ચે આ મામલે નોટિસ જારી કરી હતી, તેમ છતાં  તેમણે સરકારી નીતિમાં દખલ કરવા સામે વાંધો વ્યક્ત કર્યો હતો.

અરજીમાં અરજદારોના વકીલે દલીલ કરી હતી કે સરકારી કર્મચારીઓ દ્વારા કરાયેલા ગેરકાયદેસર કૃત્યને રાજ્ય સરકાર કાયદેસર બનાવી રહી  છે..અને તેઓ પગારના નામે જાહેર નાણાં પણ ચૂકવી રહ્યા છે .

 દલીલના સમર્થનમાં સુપ્રીમ કોર્ટનો ચુકાદો ટાંકવામાં આવ્યો હતો.જે મુજબ સરકારી કર્મચારીઓ હડતાળ પાડીને સમાજને ખંડણી માટે બાનમાં લઇ શકતા નથી અને ફરિયાદ નિવારણ માટે કાયદાકીય જોગવાઈઓ હેઠળ તંત્રનો આશરો લેવો જોઈએ.

અરજદારે માંગ કરી હતી કે રાજ્ય સરકારે તમામ રદ કરાયેલા શિક્ષાત્મક આદેશોને પુનઃસ્થાપિત કરવા, શિસ્તભંગની કાર્યવાહી અને નોંધાયેલા કેસ પર આગળ વધવા અને હડતાલમાં ભાગ લેનારાઓને આપવામાં આવેલ નાણાકીય લાભો પુનઃપ્રાપ્ત કરવા માટે નિર્દેશિત કરવામાં આવે.તેવું બી.એન્ડ બી.દ્વારા જાણવા મળે છે.