Gujarati News

Gujarati News

News of Monday, 22nd April 2019

લોકસભા ચૂંટણી બાદ ભાજપ ફરી સત્તામાં આવશે તો કોંગ્રેસ જવાબદાર :મનીષ સિસોદિયાનો મોટો આરોપ

પંજાબ-હરિયાણામાં ઇન્કાર બાદ દિલ્હીમાં પણ ગઠબંધનની શકયતા નહિવત થતા આપ ખફા

નવી દિલ્હી :આમ આદમી પાર્ટીએ પંજાબ બાદ હરિયાણામાં પણ ગઠબંધન માટે કોંગ્રેસ માટે કોંગ્રેસના ઇનકાર બાદ માત્ર દિલ્હીની સંભાવના નકારતા કહ્યું છે કે, જો ચૂંટણી બાદ ભાજપ ફરી સત્તામાં આવશે તો તે માટે કોંગ્રેસ જવાબદાર હશે.

  દિલ્હીના નાયબ મુખ્યમંત્રી મનીષ સિસોદિયાએ કહ્યું કે, કોંગ્રેસે કાલે રાત્રે હરિયાણામાં પણ આપ સાથે ગઠબંધનનો ઇનકાર કરી દીધો છે, તેવામાં અમે માત્ર દિલ્હીમાં કોંગ્રેસ સાથે ગઠબંધન કરવા તૈયાર નથી.

   સિસોદિયાએ કહ્યું કે, આમ આદમી પાર્ટીએ મોદી-શાહની જોડીને ફરીથી સત્તામાં આવતા રોકવા માટે ગઠબંધનની પહેલ કરી હતી, પરંતુ કોંગ્રેસ સીટોના ગણિતમાં લાગેલી છે. તેનો હેતુ મોદી-શાહની જોડીના ખતરાથી દેશને બચાવવાનો નથી. અમારી તરફથી શક્ય તમામ પ્રયાસો કરી લેવામાં આવ્યા છે. હવે કોંગ્રેસ પર છે કે તે શું કરે છે, મને નથી લાગતું કે કોંગ્રેસ ભાજપને રોકવા માટે સંવેદનશીલ હોય.

(11:27 am IST)
  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST