Gujarati News

Gujarati News

News of Monday, 21st October 2019

હૈદ્રાબાદની ખાનગી ચિલ્ડ્રન હોસ્પિટલમાં ભીષણ આગ ભભૂકી :એક બાળકીનું કરૂણમોત :ચાર બાળકો ગંભીર

એલબી નગર સ્થિત શાઈન ચિલ્ડ્રન હોસ્પિટલમાં શોર્ટ સર્કિટને લીધે આગ લાગ્યાનું અનુમાન

હૈદરાબાદની એક ખાનગી હોસ્પિટલમાં ભીષમ આગ લાગી છે આગની ઘટનાને પગલે એક બાળકીનું મોત થયું છે જ્યારે ચાર બાળકોની હાલત ગંભીર છે, જેમનો હાલ ઈલાજ ચાલી રહ્યો છે.  

 મળતી વિગત મુજબ સોમવારે સવારે એલબી નગર સ્થિત શાઈન ચિલ્ડ્રન હોસ્પિટલમાં આગ લાગી હતી. શોર્ટ સર્કિટને કારણે આગ લાગી હોવાનું અનુમાન છે આગની સૂચના મળતાં જ ફાયર બ્રિગેડની ટીમ ઘટના સ્થળે દોડી આવી હતી.

  જાણકારી મુજબ શાઈન ચિલ્ડ્રન હોસ્પિટલના આઈસીયૂમાં શોર્ટ સર્કિટ થવાના કારણે આગ લાગી ગઈ હતી. આગ તેજીથી ફેલાયી, જેની લપેટમાં અહીં દાખલ બાળકો આવી ગયાં હતાં. ઘટનાને પગલે અહીં દાખલ 9 મહિનાની એક બાળકીનું મૃત્યુ થયું છે. જ્યારે ચાર બાળકો દાઝી ગયા છે જેમાંથી 2 બાળકોની હાલત બહુ ગંભીર જણાવવામાં આવી રહી છે. જેમનો બાજુના હોસ્પિટલમાં ઈલાજ ચાલી રહ્યો છે.

ઘટના સમયે હોસ્પિટલમાં 40થી વધુ બાળકો દાખલ હતા. ઘટના બાદ હોસ્પિટલ પ્રશાસને બાળકોના માતા-પિતાના ગુસ્સાનો પણ સામનો કરવો પડ્યો. લોકોએ હોસ્પિટલ સામે ધરણા પર દીધા હતા. સાથે જ હોસ્પિટલમાં સુરક્ષાના માપદંડ પર ધ્યાન દેવામાં ન આવ્યું હોા બદલ તેમના વિરુદ્ધ કાર્યવાહીની માંગ કરવામાં આવી રહી છે.

(1:41 pm IST)
  • દિલ્હી : આર્મીના ડ્રેસમાં પાંચ આતંકવાદીઓ ઘુસી ગયા છે: દિલ્હી-એનસીઆરમાં એલર્ટની જાહેરાત કરી દેવાઇ : ગુપ્તચર સંસ્થાઓએ આતંકવાદીઓની વાતો ટેપ કરી લીધી છે : દિલ્હી, યુપી, હરિયાણા અને પંજાબમાં ખતરો અકબંધ access_time 4:03 pm IST

  • બપોરના 1 વાગ્યે હરિયાણામાં મતદાન 31.70 અને મહારાષ્ટ્રમાં 20.55 પહોંચ્યું: સરેરાશ મતદાન 22.36 ટકા: શિવસેનાના પ્રમુખ ઉદ્ધવ ઠાકરેએ કર્યું મતદાન: હરિયાણાના મુખ્યમંત્રીએસાયકલ પર સવારી કરીને કર્યું મતદાન : સ્ટાર્સે મતદાન કરવાની સાથે સેલ્ફીનો પણ માણ્યો આનંદ access_time 1:30 pm IST

  • " કમલેશ તિવારીને અમે મારી નાખ્યો ,હવે તારો વારો છે ": ઉત્તર પ્રદેશ નવનિર્માણ સેનાના અધ્યક્ષ અમિત જાનીને ધમકીપત્ર : પોલીસ તપાસ ચાલુ access_time 12:56 pm IST