Gujarati News

નવી દિલ્હીઃ કેરળના અર્ન્નાકુર્લમ જીલ્લામાંથી તા.૧૨ જાન્યુઆરીના રોજ નીકળેલ ''દેવા માથા-૨''નામનું જહાજ ૨૪૩ મુસાફરોને લઇને પેસીફીક મહાસાગરમાં લાપતા થઇ ગયું છે. મુસાફરોના સગા-સંબધીઓએ વિવિધ સરકારી ખાતાઓ અને વિદેશ ખાતામાં પણ આ અંગે સંયુકત આવેદન આપ્યું છે.

વિદેશ ખાતાના પ્રવકતા રવિશ કુમારના  જણાવ્યા મુજબ અમને રાજય સરકાર તરફથી આ અંગે માહિતી મળ્યા બાદ અમે પેસીફીક સમુદ્ર વિસ્તારના દેશોને જાણ કરી છે. અને આ જહાજ અંગે કોઇપણ માહિતી મળે તો આપવા વિનંતી કરી છે. પણ હજુ સુધી આ અંગે કોઇપણ દેશ પાસેથી જાણકારી મળી નથી. અમે આ ઘટના ઉપર સતત ધ્યાન આપી રહયા છે.