Gujarati News

Gujarati News

News of Friday, 21st June 2019

ઈજાગ્રસ્ત ધવન માટે પીએમ મોદીએ આપ્યો સંદેશો :કહ્યું તમે જલ્દી સાજા થાવ,મેદાન પર કમી અનુભવાશે તેમાં શંકા નથી

ઝડપથી સ્વસ્થ થઈને મેદાનમાં પરત ફરશો અને દેશની જીતમાં યોગદાન આપો તેવી આશા

 

નવી દિલ્હી ;ભારતીય ટીમના ઓપનર શિખર ધવન અંગુઠાની ઇજાને કારણે વર્લ્ડકપમાંથી બહાર થયા છે ત્યારે વડાપ્રધાન નરેન્દ્રભાઈ  મોદીએ ઇજાગ્રસ્ત શિખર ધવન અંગે પ્રતિક્રિયા આપી છે.

  પીએમ મોદીએ ટ્વીટ કરી કહ્યું કે તમે ટૂંક સમયમાં સારા થાવ તેવી પ્રાર્થના, મેદાન પર તમારી કમી અનુભવાશે તેમાં કોઇ શંકા નથી, હું આશા રાખું છું કે તમે ઝડપથી સ્વસ્થ થઇને મેદાન પર પરત ફરશો અને દેશની જીતમાં મહત્વપૂર્ણ યોગદાન આપશો.

   અત્રે ઉલ્લેખનીય છે કે અંગુઠામાં ફેક્ચરના કારણે શિખર ધવન વર્લ્ડ કપમાંથી બહાર થઇ ગયો છે. હવે તેની જગ્યાએ ઋષભ પંતને ટીમમાં સામેલ કરવામાં આવ્યો છે. ધવને સોશિયલ મીડિયા પર ઇમોશનલ વીડિયો પોસ્ટ કર્યો હતો, જેમાં તેણે દેશવાસી અને ટીમના સભ્યોનો આભાર માન્યો હતો, વીડિયોને રી-ટ્વીટ કરી વડાપ્રધાન મોદીએ પ્રતિક્રિયા આપી હતી.
  
દરમિયાન મહાન ક્રિકેટર સચિન તેન્ડુલકરે પણ ધવનના વર્લ્ડ કપથી બહાર થવા પર નિરાશા વ્યક્ત કરી હતી, સચિને ઋષભ પંત માટે કહ્યું કે પોતાની જાતને સાબિત કરવાની સુંદર તક છે, સાથે આશા વ્યક્ત કરી કે ધવન જગ્યાએ ઋષભ પંત સારી બેટિંગ કરશે

(12:00 am IST)
  • અહેમદ પટેલની આજે ફરીથી લેવાશે જુબાની : ગઇકાલે લાંબી પુછપરછ ચાલેલ : અમદાવાદ ૨૦૧૭ની રાજયસભાની ચૂંટણીનો મામલોઃ ગુજરાત હાઇકોર્ટમાં જસ્ટિસ બેલાબેન ત્રિવેદીની કોર્ટમાં કેસની સુનાવણી થશેઃ તમામ સાક્ષીઓ પણ હાઇકોર્ટમાં હાજર રહે તેવી શકયતા access_time 3:33 pm IST

  • રાજકોટમાં હોટલ - હોસ્પિટલ - સોસાયટી - સ્કુલના સ્વચ્છતા રેન્કીગ માટે રર ટીમો દ્વારા સર્વે શરૂ :ગઇકાલે હોટેલોનો સર્વે પુર્ણ : આજે હોસ્પિટલનો સર્વે હાથ ધરાયો : આવતીકાલે સ્કૂલોમાં સ્વચ્છતાનો સર્વે થશેઃ સોમવારે સોસાયટીઓમાં સ્વચ્છતા અંગે ચકાસણી થશે : ર૭ અથવા ર૮મીએ રિઝલ્ટ જાહેર થશે : વિજેતાઓને મુખ્યમંત્રીના હસ્તે સર્ટીફીકેટ અપાશે : મ્યુ. કમિશ્નર બંછાનીધી પાનીની જાહેરાત access_time 4:10 pm IST

  • ૨૧ થી વધુ આઇએએસ-આઇપીએસ અધિકારીઓની બદલીના ભણકારા : રાજયના સીનીયર અધિકારીઓના ટુંક સમયમાં બદલીના ઓર્ડરો આવી શકે છેઃ ૧૮ કલેકટર, ૨૨ જીલ્લા વિકાસ અધિકારીઓ બદલાશે : રાજયના ૧૮ થી ૨૦ કલેકટરો અને ૨૦ થી વધુ ડીડીઓની તોળાતી બદલીઓ : જુલાઈમાં આઈપીએસ - પોલીસ ઓફીસરોની બદલીની પણ પૂરી શકયતા access_time 1:13 pm IST