Gujarati News

Gujarati News

News of Thursday, 21st March 2019

પોરબંદરથી હરિદ્વાર જતા પદયાત્રિકો પર રાજસ્થાનમાં કાળમુખો ટ્રક ફરી વળતા ત્રણ મહિલાઓ સહીત ચારના કરૂણમોત : છ લોકોને ઇજા

જિલ્લાના 15 સિનિયર સીટીઝનો દેશમાં અમન અને શાંતિની કામના માટે પોરબંદરના સુદામા ચોકથી નીકળ્યા હતા :રાજસ્થાનના પુલવા નજીક અજાણ્યા ટ્રકે અડફેટે લીધા

પોરબંદરથી હરદ્વાર જતા પદયાત્રિકો પર રાજસ્થાનમાં કાળમુખો ટ્રક ફરી વળતા ત્રણ મહિલા સહીત ચાર લોકોના મોત નિપજ્યા છે જયારે છ લોકોને ઈજ પહોંચી છે

આ અંગે મળતી વિગત મુજબ  પોરબંદર જિલ્લાના 15 સિનિયર સિટીઝનો દેશમાં અમન અને શાંતિના સંદેશા સાથે પોરબંદરથી હરિદ્વાર 1700 કિમીની પદયાત્રાએ 6 માર્ચના રોજ પોરબંદરના સુદામા ચોકથી નીકળ્યા હતા. ગઇ કાલે સાંજે આ પદયાત્રીઓ પર રાજસ્થાનના પુલવા નજીક અજાણ્યો ટ્રક ફરી વળતા ઘટનાસ્થળે 4ના મોત થયા હતા અને 6ને ઇજા પહોંચતા તેઓને પ્રથમ રાજસ્થાન હોસ્પિટલ અને વધુ સારવાર માટે બેને અમદાવાદ હોસ્પિટલે ખસેડવામાં આવ્યા છે.

  મૃતકમાં કુતિયાણાના અમર ગામના ધાનીબેન ચનાભાઇ ભૂતિયા (ઉ. 80), જાહીબેન રાજશીભાઇ મોઢવાડીયા (ઉ.65), કિંદરખેડા ગામના લીરીબેન લખમણભાઇ મોઢવાડિયા (ઉ.65) અને રાજાભાઇ નાથાભાઇ મોઢવાડિયા (ઉ.60)નો સમાવેશ થાય છે.

જાણવા મળ્યા મુજબ આ સિનિયર સિટીઝન ગ્રુપ દ્વારા દર વર્ષે 1 હજાર કિમીની પદયાત્રા અલગ અલગ સ્થળોએ યોજવામાં આવે છે. આ વર્ષે પોરબંદરથી હરિદ્વાર સુધીની પદયાત્રાનું નક્કી કરવામાં આવ્યું હતું. આ ગ્રુપ દ્વારા યાત્રાના રૂટમાં આવતી હોટલ કે ધર્મશાળામાં રોકાવાને બદલે જમીન પર જ હાથે રસોઇ બનાવી આગળ વધે છે. હરિદ્વાર સુધીની પદયાત્રામાં પુંજાભાઇ નાગાભાઇ સુંડાવદર સામાન સાથે ટ્રેક્ટર લઇ જોડાયા છે. આ સિનિયર સિટીઝનોએ 800 કિલોમીટરની યાત્રા પૂર્ણ પણ કરી ચૂક્યા હતા.

(1:26 pm IST)
  • ભરૂચમાં વિશ્વ ચકલી દિવસની ઉજવણી: ચકલીઓ વિલુપ્ત થતી બચાવવા સ્વૈરિછક સંસ્થાઓ દ્વારા પાણીના 500 કુંડા અને 1000 માળાનું વિતરણ કરાયું: ચકલીના અસ્તિત્વને બચાવવા લોકોમાં જાગૃતિ લાવવાનો પ્રયાસ કરાયો access_time 10:46 pm IST

  • હવે ભાગેડુ મેહુલ ચોકસીનો વારો :ભારત લાવવા પ્રક્રિયા પુરજોશમાં ; ભારત સરકારે સોંપ્યા કાગળો : ભાગેડુ હીરા વેપારી મેહુલ ચોક્સી વિરુદ્ધ એન્ટીગુઆમાં પ્રત્યાર્પણની પ્રક્રિયા ચાલુ access_time 12:48 am IST

  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST