Gujarati News

Gujarati News

News of Monday, 22nd February 2021

જ્યાં સુધી કાયદાની બધી જોગવાઈ પુરી ન થાય ત્યાં સુધી શબનમને ફાંસી આપવાનો કોઈ સવાલ નથી : શબનમના વકીલ શ્રેયા રસ્તોગી : પરિવારના સાત સભ્યોની હત્યા કરવા મામલે ફાંસીની સજાની આરોપી શબનમે યુ.પી. ગવર્નર સુશ્રી આનંદીબેન પટેલ તથા રાષ્ટ્રપતિ શ્રી રામનાથ કોવિંદ સમક્ષ બીજી વખત દયાની અરજી કરી

ન્યુદિલ્હી : પરિવારના સાત સભ્યોની હત્યા કરવા મામલે જેને ફાંસીની સજા ફરમાવાઈ છે તેના વકીલ શ્રેયા રસ્તોગીએ જણાવ્યું હતું કે જ્યાં સુધી કાયદાની બધી જોગવાઈ પુરી ન થાય ત્યાં સુધી શબનમને ફાંસી આપવાનો કોઈ સવાલ નથી .

ફાંસીની સજામાંથી બચવા માટે શબનમે બીજી વખત ઉત્તર પ્રદેશ  ગવર્નર સુશ્રી આનંદીબેન પટેલ તથા રાષ્ટ્રપતિ શ્રી રામનાથ કોવિંદ સમક્ષ દયાની અરજી કરી છે.

જ્યાં મહિલાને પણ ફાંસીની સજા આપી શકાય છે તેવી દેશની એકમાત્ર જેલ મથુરામાં શબનમને ફાંસી આપવા માટે થઇ રહેલી તૈયારીઓ મામલે શબનમના વકીલે જણાવ્યું હતું કે જ્યાં સુધી કાયદાની તમામ જોગવાઇઓનો આરોપીને લાભ મળે નહીં ત્યાં સુધી ડેથ વોરંટ જારી કરી શકાય નહીં.

ઉલ્લેખનીય છે કે શબનમે 2008 ની સાલમાં 10 વર્ષના બાળક સહીત પોતાના પરિવારના 7 સભ્યોને મોતને ઘાટ ઉતારી દીધા હતા જેના કારણમાં પોતાના પ્રેમીનો અસ્વીકાર કરવાનું કારણ હતું.

ફાંસીની સજા પામેલી શબનમ હાલની તકે મથુરા જેલમાં બંધ છે.તેવું બી.એન્ડ બી.દ્વારા જાણવા મળે છે.

 

(12:31 pm IST)
  • ઉભા પાક ઉપર ટ્રેકટર ફેરવી દીધા : રાકેશ ટિકૈતની હાકલની યુપીમાં સીધી અસર કૃષિ પ્રશ્નો ખેડૂત માટે ડેથ વોરંટઃ કેજરીવાલ access_time 1:11 pm IST

  • હવે ગરમીના દિવસો શરૃઃ રાજકોટ ૩૪ ડીગ્રી : રાજકોટઃ ઠંડીના દિવસો હવે પુરા થયા છેઃ ગરમીનો અહેસાસ થવા લાગ્યો છેઃ ઘર, ઓફિસ, દુકાનોમાં પંખા, એ.સી.ચાલુ થવા લાગ્યા છેઃ દરમિયાન આજે બપોરે ૨:૩૦ વાગ્યે રાજકોટમાં મહતમ તાપમાન ૩૪ ડીગ્રી નોંધાયું છેઃ સાંજ સુધીમાં એકાદ ડીગ્રીનો વધારો થવા સંભવ છે access_time 4:32 pm IST

  • અખિલ ભારતીય બાર પરીક્ષા XVI (AIBE XVI) એક મહિના માટે મુલતવી રાખવામાં આવી છે અને હવે 21 માર્ચના બદલે 25 એપ્રિલ, 2021 ના ​​રોજ યોજવામાં આવશે. આ બાબતે બાર કાઉન્સિલ ઓફ ઈન્ડિયા (બીસીઆઈ) એ રવિવારે એક જાહેરનામું બહાર પાડીને આ માટેના સુધારેલા શેડ્યૂલની જાણ કરી હતી. access_time 8:42 pm IST