Gujarati News

Gujarati News

News of Tuesday, 13th August 2019

વિમાન મોકલુ કાશ્મીરની સ્થિતિ આવીને જોઇ લો

જમ્મુ-કાશ્મીરના રાજયપાલનો રાહુલ ગાંધીને પડકાર

નવી દિલ્હી, તા.૧૩: જમ્મુ-કાશ્મીરનાં રાજયપાલ સત્યપાલ મલિકે કોંગ્રેસ નેતા રાહુલ ગાંધીની કાશ્મીરમાં હિંસા સંબંધી ટિપ્પણી વિશે કહ્યું છે કે કોંગ્રેસનાં પૂર્વ અધ્યક્ષને ખીણની મુલાકાત કરાવવા અને જમીની સ્થિતિનો તાગ મેળવવા માટે વિમાન મોકલશે. રાજયપાલે કહ્યું કે, જમ્મુ-કાશ્મીરથી કલમ ૩૭૦ની જોગવાઈઓ હટાવવામાં કોઈ સાંપ્રદાયિક દ્રષ્ટિકોણ નથી.

મલિકે કહ્યું કે, મે રાહુલ ગાંધીને અહીં આવવા માટે નિમંત્રણ આપ્યું છે. મે તેમને કહ્યું કે હું તમારા માટે વિમાન મોકલીશ, જેથી તમે સ્થિતિનો તાગ મેળવી શકો અને પછી બોલો. તમે એક જવાબદાર વ્યકિત છો અને તમારે આવી વાત ના કરવી જોઇએ. રાજયપાલ કાશ્મીરમાં હિંસા સંબંધી કેટલાક નેતાઓનાં નિવેદન વિશે પુછવામાં આવી રહેલા પ્રશ્નોનાં જવાબ આપી રહ્યા હતા.

શનિવારની રાત્રે રાહુલ ગાંધીએ કહ્યું હતુ કે, 'જમ્મુ-કાશ્મીરથી હિંસાની કેટલીક ખબરો આવી છે અને પ્રધાનમંત્રી નરેન્દ્રભાઇ મોદીએ પારદર્શી રીતે આ મામલે ચિંતા વ્યકત કરવી જોઇએ.' રાજયપાલે કહ્યું કે, 'જમ્મુ-કાશ્મીરમાંથી કલમ ૩૭૦ની જોગવાઈઓ હટાવવામાં કોઈ સાંપ્રદાયિક દ્રષ્ટિકોણ નથી.' તેમણે કહ્યું કે, કલમ ૩૫-એ અને કલમ-૩૭૦ની મોટાભાગની જોગવાઇઓ સૌના માટે સમાપ્ત કરવામાં આવી છે. ના તો લેહ, કારગિલ, જમ્મુ, રજૌરી અને પુંછમાં ના અહીં (કાશ્મીર)માં આને હટાવવાનો સાંપ્રદાયિક દ્રષ્ટિકોણ છે.

મલિકે કહ્યું કે, આ મુદ્દાને મુઠ્ઠીભર લોકો હવા આપી રહ્યા છે, પરંતુ તેઓ આમા સફળ નહીં થાય. વિદેશી મીડિયાએ ખોટુ રિપોર્ટિંગ કરવાનો પ્રયત્ન કર્યો અને અમે ચેતવણી આપી છે. તમામ હોસ્પિટલો તમારા માટે ખુલ્લી છે અને જો કોઈ એકપણ વ્યકિતને ગોળી લાગી હોય તો તમે સાબિત કરી દો. જયારે કેટલાક યુવકો હિંસા કરી રહ્યા હતા ત્યારે તેમને પેલેટથી પગમાં ગોળી મારવામાં આવી છે અને આમાં કોઇપણ ગંભીર રીતે ઘવાયું નથી.

(10:07 am IST)
  • સિક્કીમ ડેમોક્રેટિક ફ્રંટના ૧૦ વિધાયક બીજેપીમાં સામેલ : સિક્કીમનો મુખ્ય પક્ષ એસડીએફના ૧૦ વિધાયક આજે નવી દિલ્હીમાં બીજેપીમાં સામેલ થયાઃ પૂર્વ સીએમ પવનકુમાર ચામલિંગ સહિત ૪ અન્ય વિધાયકોને છોડીને બાકી રહેલા વિધાયકો બીજેપીમાં સામેલ થયાઃ સિક્કીમમાં હજુ સુધી ખાતુ નહિ ખોલી શકેલી બીજેપીના પાલામાં ૧૦ વિધાયકો થઈ ગયા access_time 4:07 pm IST

  • અલગાવવાદી નેતાઓને ૧ વર્ષ સુધી 'અંદર' રહેવું પડે તેવી શકયતાઃ નવી દિલ્હીઃ જમ્મુ-કાશ્મીરમાંથી ધરપકડ પામેલા અલગાવવાદી નેતાઓ વહેલી તકે છુટે તેવી શકયતા નથીઃ સંબંધિત અધિકારીઓનું માનીએ તો આ બધાને ૧ વર્ષ અંદર રહેવું પડશેઃ તંત્રએ છેલ્લા ૮ દિવસમાં ૭૦૦ લોકોની ધરપકડ કરી છે જેમાથી ૧૫૦ને દેશની વિવિધ જેલોમાં મોકલી દેવાયા છે જેમની ધરપકડ થઈ છે તેમાં ઉમર અબ્દુલ્લા, મહેબુબા મુફતી પણ સામેલ છેઃ જો કે મહેબુબાને હરિનિવાસ અને ઉમરને વન વિભાગના ગેસ્ટ હાઉસમાં રખાયા છે access_time 11:25 am IST

  • HDFC બેન્કના MDની બેઝિક સેલરી રૂ. ૮૯ લાખ : એકિસસ બેન્કના સીઇઓ રૂ. ૩૦ લાખની મંથલી બેઝિક સેલરી સાથે બીજા સ્થાને access_time 4:07 pm IST