Gujarati News

Gujarati News

News of Wednesday, 15th May 2019

યુપીના આ જિલ્લામાં જૂનથી હેલમેટ નહિ પહેર્યા હોય તો ટુ વ્હિલર્સ ચાલકોને પેટ્રોલ પંપ પરથી પેટ્રોલ નહિ મળે

ગૌતમ બુદ્ધ નગર જિલ્લાના તમામ પેટ્રોલ પંપ ડીલર્સને આદેશ આપી દીધા

નવી દિલ્હીઃ ટ્રાફિકના નિયમોનો પાલન ન કરતા લોકોને ખાસ ધ્યાનમાં રાખી ઉત્તર પ્રદેશમાં એક નવો નિયમ લાગૂ કરવામાં આવ્યો છે. ઉત્તમ પ્રદેશના ગૌતમ બુદ્ધ નગર જિલ્લામાં એક જૂનથી હેલમેટ નહિ પહેર્યા હોય તેવા 2 વ્હિલર્સ ચાલકોને પેટ્રોલ પંપ પરથી પેટ્રોલ નહિ મળે.

  જિલ્લાધિકારી બ્રિજેશ નારાયણ સિંહે આ સંબંધમાં જિલ્લાના તમામ પેટ્રોલ પંપ ડીલર્સને આદેશ આપી દીધા છે. મંગળવારે જિલ્લાધિકારીએ એક બેઠકમાં પેટ્રોલ પંપ ડીલરને કહ્યું કે તેઓ એક જૂનથી આ નિર્ણયનું સખ્તીથી પાલન કરે. પ્રશાસને રોડ સુરક્ષા પ્રત્યે જાગરુકતા લાવવાના ઉદ્દેશ્યથી આ નિર્ણય લીધો છે.

  જિલ્લાધિકારી બ્રિજેશ નારાયણ સિંહે જણાવ્યું કે 31 મે બાદ જનપદના કોઈપણ પેટ્રોલ પંપ પર હેલમેટ પહેર્યા વિના આવેલ ટૂ-વ્હિલર્સ વાહન ચાલકોને પેટ્રોલ નહિ આપવામાં આવે. તેમણે જણાવ્યું કે રોડ અકસ્માતોમાં અવારનવાર થઈ રહેલી હત્યાઓને પગલે જિલ્લા પ્રશાસને લોકોના જાન-માલની રક્ષા કરવા માટે આ પગલું ઉઠાવ્યું છે.

   જિલ્લાધિકારીએ જણાવ્યું કે મોટર વાહન અધિનિયમ 1988ની કલમ 129 અંતર્ગત વાહન ચાલક તથા સવારી દ્વારા કોઈપણ ટૂ-વ્હિલર વાન પર યાત્રા કરતી વખતે હેલમેટ પહેરવો જરૂરી છે. આ અંતર્ગત હેલમેટ ન પહેરવો આઈપીસીની કલમ 188 અંતર્ગત એક ગુનો છે, જેમાં 6 માસ સુધીની જેલ થઈ શકે છે. તેમણે પેટ્રોલ પંપ ડીલર્સને આદેશ આપ્યો છે કે તેઓ પોતાના પેટ્રોલ પંપ પર સીસીટીવી કેમેરા લગાવે જેથી હેલમેટ પહેર્યા વિના પેટ્રોલ નખાવવા આવતા લોકો કેમેરામાં કેદ થઈ શકે.

(12:07 pm IST)
  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • રાજકોટમાં ૩૯.૬ ડિગ્રી : ૨૦ કિ.મી.ની ઝડપે ફૂંકાતા પવન access_time 3:33 pm IST

  • ગુજરાતના તમામ જિલ્લા-શહેરમાં વોન્ટેડ બુટલેગરનો કબ્જો વડોદરા પોલીસ ટ્રાન્સફર વોરંટ આધારે મેળવશે : રાજસ્થાન અને મધ્ય પ્રદેશને બેઈઝ બનાવી ગુજરાતભરમાં રાજકોટ સહિત વિવિધ શહેર-જિલ્લામાં દારૂ સપ્લાય કરવાના ગુન્હામાં વોન્ટેડ એવા વિજુ સિંધીનો કબ્જો રાજસ્થાનથી મેળવવા પોલીસ કમિશ્નર અનુપમસિંહ ગેહલોતે કાર્યવાહી શરૂ કરાવી હોવાનું બહાર આવ્યુ છે. વિજુ સિંધી આમ તો દોઢ વર્ષથી વડોદરામાં ફરકયો નથી access_time 3:22 pm IST