Gujarati News

Gujarati News

News of Thursday, 8th November 2018

કેલિફોર્નિયાના બારમાં અચાનક અંધાધૂંધ ગોળીબાર : હુમલાખોર સહિત કુલ 13 લોકોના મોત : અફરાતફરી

વોશિંગટનઃ કેલિફોર્નિયા રાજ્યના થાઉઝન્ડ ઓક્સ પ્રાંતમાં આવેલા એક બારમાં એક વ્યક્તિએ અચાનક અંધાધૂંધ ગોળીબાર કરતાં એક પોલીસ કર્મચારી સહિત કુલ 13નાં મોત થયાં હતાં. બારમાં કોલેજની મ્યુઝિક પાર્ટી ચાલતી હતી અને 200 વ્યક્તિ હાજર હતા. જેમાંથી કેટલાક લોકો ઘાયલ થયા છે. 

   શેરીફ જીઓફ ડીને જણાવ્યું કે, લગભગ 13 લોકોનાં મોત થયા છે જેમાં એક પોલીસ અધિકારીનો પણ સમાવેશ થાય છે એક વ્યક્તિ અચાનક 'બોર્ડરલાઈન બાર એન્ડ ગ્રીલ બાર'માં ધસી આવ્યો હતો અને તેણે બુધવારે રાત્રે અંધાધૂંધ ગોળીબાર શરૂ કરી દીધો હતો. ગોળીબાર કરનારો આ શંકાસ્પદ વ્યક્તિ પણ ઘટનાસ્થળે મૃત હાલતમાં મળી આવ્યો હતે. 

  કેલિફોર્નિયાના થાઉઝન્ડ ઓક્સ પ્રાન્તમાં આવેલા આ બારમાં થયેલા ગોળીબારની ઘટનામાં કેટલાક લોકો ઘાયલ પણ થયા હતા. બુધવારે થાઉઝન્ડ ઓક્સમાં આવેલા 'બોર્ડરલાઈન બાર એન્ડ ગ્રીલ બાર'માં થયેલી ગોળીબારની ઘટના બાદ પોલીસ લગભગ રાત્રે 11.30 કલાકે પહોંચી ગઈ હતી.

(10:43 pm IST)
  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST