Gujarati News

Gujarati News

News of Thursday, 8th November 2018

સુપ્રીમ કોર્ટે પ્રતિબંધ મૂક્યો છતાંય રાત્રે 10 વાગ્યા પછી પણ ફુટ્યા ફટાકડા

નવી દિલ્હી: સુપ્રીમ કોર્ટે રાત્રે દસ વાગ્યા પછી ફટાકડા ફોડવા પર પ્રતિબંધ મૂક્યો હોવા છતાં દિવાળી પર સમગ્ર દેશમાં મોડી રાત સુધી ફટાકડા ફુટ્યા હતા. દિલ્હી સહિતના દેશના મોટાભાગના શહેરોમાં ફટાકડાને કારણે પ્રદુષણની માત્રા સામાન્ય કરતા અનેકગણી વઘી ગઈ હતી. દિલ્હીમાં તો દિવાળીને કારણે છેલ્લા કેટલાક દિવસોથી બગડેલી હવાની ગુણવત્તા ઓર બગડી હતી.

સુપ્રીમ કોર્ટે ફટાકડા ફોડવા માટે રાત્રે આઠથી દસનો સમય નક્કી કર્યો હતો. જોકે, એકેય શહેરમાં તેનું પાલન નથી થયું. દિલ્હીમાં ફટાકડાને કારણે પ્રદુષણનું સ્તર આજે સવારે ખતરનાક કેટેગરી સુધી પહોંચી ગયું હતું.

સુપ્રીમ કોર્ટે આ વખતે રાજધાનીમાં ગ્રીન ફટાકડા ફોડવાનો જ આદેશ આપ્યો હતો. જોકે, તેની પણ કોઈ ખાસ અસર જોવા મળી નથી. બીજી તરફ, અમદાવાદ, વડોદરા, તેમજ સુરત અને રાજકોટ જેવા શહેરોમાં પણ સુપ્રીમ કોર્ટના પ્રતિબંધ છતાં મોડી રાત સુધી ફટાકડા ફુટ્યા હતા. અમદાવાદમાં પણ દર વર્ષની જેમ આ વર્ષે પણ દિવાળીમાં ચારેકોર ધુમાડાની ચાદર ફેલાઈ ગઈ હતી.

(2:05 pm IST)
  • 23મી ડિસેમ્બરે બાંગ્લાદેશમાં સંસદીય ચૂંટણી ;પહેલીવાર થશે EVMનો ઉપયોગ : મુખ્ય ચૂંટણી આયોગ નૂર-ફૂલ-હૂદાએ ટીવી પર પ્રસારિત સંબોધનમાં કહ્યું કે સમગ્ર બાંગ્લાદેશમાં 11મી સામાન્ય ચૂંટણી 23મી ડિસેમ્બરે થશે :દેશમાં પહેલીવાર મર્યાદિત સ્તર પર ઇલેક્ટ્રોનિક વોટિંગ મશીનનો ઉપયોગ કરાશે access_time 12:56 am IST

  • ભરૂચઃ નવા વર્ષે જ અકંલેશ્વર ખાતે ચાર અલગ-અલગ સ્થળે સર્જાયેલા ખમખ્વાર અક્સમાતમાં ચાર લોકોના મોત નીપજ્યા હતા. અમદાવાદ-બરોડા એક્સપ્રેસ હાઈ વે પર બે અકસ્માત સર્જાયેલા નવા વર્ષે જ હાઈ વે લોહીથી ખરડાયો હતો. ઘટનાની જાણ થતા અંકલેશ્વર પોલીસ ઘટના સ્થળે પહોંચી હતી. અને વધુ તપાસ હાથ ધરી હતી access_time 8:05 pm IST

  • મૂહૂર્તના સોદાઃ સંવત 2075ના પ્રથમ દિવસે રોકાણકારોની સંપત્તિમાં 1.17 લાખ કરોડનો વધારો : હિન્દુ સંવત વર્ષ 2074માં સેન્સેક્સમાં 2,407.56 પોઈન્ટ (7 ટકા)નો ઉછાળો : મૂહૂર્તના સોદા માટે BSE અને NSE સાંજે એક કલાક સુધી ખુલ્યા: માત્ર એક કલાકના મૂહૂર્ત સેશનમાં BSEમાં માર્કેટ કેપિટલાઈઝેશનમાં ર1,17,731.11 કરોડ વધ્યું :1,41,70,545.23 કરોડ પર પહોંચી ગયું :મંગળવારે જ્યારે શેરબજાર બંધ થયું ત્યારે BSEની કૂલ બજાર મૂડી.1,40,52,814.12 કરોડ પર બંધ રહ્યું હતું. access_time 11:52 pm IST