Gujarati News

Gujarati News

News of Monday, 4th June 2018

નોટબંધી બાદ ૭૩૦૦૦ ડી-રજીસ્ટર્ડ કંપનીઓએ બેંક ખાતાઓમાં ૨૪૦૦૦ કરોડ જમા કરાવ્યા હોવાનું ખુલ્યુ

કાળા નાણાની ગેરકાનૂની સંપત્તિઓ ઉપર રોક લગાવવા અંગે સરકારે ૨.૨૬ લાખ કંપનીઓને બંધ કરી

નવી દિલ્હી, તા. ૪ :. નોટબંધી લાગુ થયા બાદ ઓછામાં ઓછી ૭૩૦૦૦ ડી-રજીસ્ટર્ડ કંપનીઓએ પોતાના બેંક ખાતાઓમાં ૨૪૦૦૦ કરોડ રૂપિયા જમા કરાવ્યા હતા. સરકારે બહાર પાડેલા આંકડામાં આ મુજબ જણાવ્યુ છે. કાળુનાણુ અને ગેરકાનૂની સંપત્તિઓ ઉપર રોક લગાવવાના હેતુથી કંપની બાબતોના મંત્રાલયે લગભગ ૨.૨૬ લાખ કંપનીઓને બંધ કરી દીધી છે. આ કંપનીઓ લાંબા સમયથી કામકાજ કરતી નહોતી. આમાથી મોટા ભાગની કંપનીઓ પર કાળા નાણાની હેરાફેરીની શંકા છે.

મંત્રાલય તરફથી બહાર પાડવામાં આવેલા આંકડા અનુસાર ૨.૨૬ લાખ ડી-રજીસ્ટર્ડ કંપનીઓમાંથી ૧.૬૮ લાખ કંપનીઓની બેંક વિગતો જણાવવામાં આવી છે કે નોટબંધી બાદ આ કંપનીઓના બેંક ખાતાઓમાં પૈસા જમા કરવામાં આવ્યા હતા. આમાથી ૭૩૦૦૦ કંપનીઓએ ૨૪૦૦૦ કરોડ જમા કરાવ્યા હતા.

મંત્રાલય જણાવે છે કે ૬૮ કંપનીઓ સામે તપાસ ચાલી રહી છે. ગંભીર છેતરપીંડી કાર્યાલય ૧૯ કંપનીઓ તો રજીસ્ટ્રાર ઓફ કંપનીઝ ૪૯ કંપનીઓ સામે તપાસ કરી રહી છે.(૨-૭)

(11:41 am IST)
  • ગાંધીનગર દેશભરમાં ખેડુતોના આંદોલન મામલોઃ ચિંતિત બનેલી સરકારે આઇબીને લગાડયા કામેઃ ગુજરાતમાં ખેડુતોની નારાજગી ફાટી નીકળી શકે છે access_time 3:54 pm IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST