Gujarati News

બેંગલુરુ : ઈન્ડિયન પ્રીમિયર લીગ સીઝન 17ની 30મી મેચમાં સનરાઈઝર્સ હૈદરાબાદે પ્રથમ બેટિંગ કરીને રોયલ ચેલેન્જર્સ બેંગ્લોર સામે આઈપીએલના ઈતિહાસમાં સૌથી વધુ સ્કોર બનાવ્યો હતો. સનરાઇઝર્સ હૈદરાબાદે 20 ઓવરમાં ત્રણ વિકેટ ગુમાવીને 287 રન બનાવ્યા હતા. હૈદરાબાદે પોતાનો જ સર્વોચ્ચ સ્કોરનો રેકોર્ડ તોડી નાખ્યો છે. તે જ સિઝનમાં તેણે મુંબઈ ઈન્ડિયન્સ સામે 20 ઓવરમાં 277 રન બનાવ્યા હતા. એમ ચિન્નાસ્વામી સ્ટેડિયમમાં રમાઈ રહેલી મેચમાં આરસીબીએ ટોસ જીતીને પહેલા બોલિંગ કરવાનો નિર્ણય કર્યો હતો. સનરાઇઝર્સ હૈદરાબાદના ઓપનર ટ્રેવિસ હેડે 39 બોલમાં સદી ફટકારી હતી. હેડે 41 બોલમાં 102 રનની ઇનિંગ રમી હતી અને તેની ઇનિંગમાં 9 સિક્સ અને 8 ફોરનો સમાવેશ થાય છે. હેડે અભિષેક શર્મા સાથે પ્રથમ વિકેટ માટે 108 રનની ભાગીદારી કરી હતી. અભિષેક શર્મા ટોપલીના બોલ પર 22 બોલમાં 34 રન બનાવી પેવેલિયન પરત ફર્યો હતો. આ પછી ક્લાસેન અને હેડ વચ્ચે બીજી વિકેટ માટે 57 રનની ભાગીદારી થઈ હતી. ફર્ગ્યુસનના બોલ પર હેડ ડુ પ્લેસિસને આઉટ થયો હતો. ક્લાસને માત્ર 23 બોલમાં 5 છગ્ગાની મદદથી પોતાની અડધી સદી પૂરી કરી હતી. 15 ઓવરમાં સનરાઇઝર્સ હૈદરાબાદનો સ્કોર 2 વિકેટના નુકસાને 205 રન હતો. ક્લાસેન 31 બોલમાં 67 રન બનાવીને આઉટ થયો હતો. ફર્ગ્યુસનને ક્લાસેનની વિકેટ મળી હતી. માર્કરામ 32 અને સમદ 10 બોલમાં 37 રન બનાવીને અણનમ રહ્યા હતા. આરસીબીના બોલર ફર્ગ્યુસનને બે અને ટોપલેને એક વિકેટ મળી હતી. પ્લેઇંગ 11માં ફેરફાર કરતી વખતે RCBએ મેક્સવેલ અને સિરાજને તક આપી ન હતી. RCB 6માંથી 5 મેચ હાર્યા બાદ પોઈન્ટ ટેબલમાં છેલ્લા સ્થાને છે. જ્યારે સનરાઈઝર્સ હૈદરાબાદ પાંચમાંથી ત્રણ મેચ જીતીને પોઈન્ટ ટેબલમાં ચોથા સ્થાને છે.