Gujarati News

હૈદ્રાબાદ તા. ૨૦ : જીવનમાં તમે થોડું સમજી વિચારીને કાર્ય કરો છો તો હંમેશા સફળ થાઓ છો. આટલું જ નહીં ક્‍યારેક તો તમે મોતના મુખમાંથી પણ બહાર નીકળી જાઓ છે. આવી જ વિચાર બુદ્ધિ આંધ્ર પ્રદેશના અનંતપુરમાં એક વ્‍યક્‍તિએ દર્શાવી. અહીં એક વ્‍યક્‍તિ રેલવે ટ્રેક પસાર કરી રહ્યો હતો ત્‍યારે જ અચાનક ટ્રેન આવી ગઈ. તે બચવા માટે શું કરવું તેની મુંઝવણમાં પડી ગયો. તેને એવું લાગવા માડ્‍યું કે તે હવે નહીં બચે અને મોત નિﾍતિ છે. પરંતુ તેણે શાંત મગજે વિચાર્યું અને બંને પાટાની વચ્‍ચે સૂઈ ગયો. એટલામાં જ ટ્રેન તેના પરથી પસાર થવા લાગી.

તે બંને પાટાની વચ્‍ચે શાંત થઈને પોતાના જીવનની સૌથી ખતરનાક પળો જોઈ રહ્યો હતો. લગભગ ૫૦ ડબ્‍બાવાળી માલગાડી તેની છાતી ઉપરથી પસાર થઈ ગઈ. છેલ્લે આખી ટ્રેન તેના પરથી પસાર થઈ ગઈ અને તે બચી ગયો. આ ઘટનામાં વ્‍યક્‍તિને એક પણ ઈજા નથી થઈ. તમે નીચે વીડિયો જોઈ શકો છો, જેને જોઈને તમારા શ્વાસ પણ બે મિનિટ માટે થંભી જશે.

સમગ્ર ટ્રેન વ્‍યક્‍તિ પરથી પસાર થયા બાદ તે ટ્રેક પરથી ઊભો થયો. પ્‍લેટફોર્મ પર ઉપસ્‍થિત બધા લોકો આ ઘટના જોઈ રહ્યા હતા. બધાની આંખો આ દ્રશ્‍ય જોઈને દંગ રહી ગઈ.