Gujarati News

Gujarati News

News of Saturday, 20th July 2019

૧ કિલો પ્લાસ્ટિકનો કચરો આપો અને ૧ ટંકનું ભોજન ફ્રી મેળવો

રાંચી, તા.૨૦: છત્તીસગઢના અંબિકાપુર શહેરની મ્યુનિસિપાલિટીએ શહેરને પ્લાસ્ટિકમુકત કરવાની અનોખી સ્કીમ તૈયાર કરી છે. પ્લાસ્ટિક અન્ય કચરા સાથે ભળી જાય છે ત્યારે એને રિસાઇકલ કરવાનું પણ મુશ્કેલ થઇ રહ્યું છે. એવામાં અંબિકાપુરમાં ગાર્બેજ કેફે શરૂ કરવામાં આવ્યું છે. એનાથી બેઘર અને ગરીબ લોકોના પેટનો ખાડો પણ પુરાય છે અને શહેરમાંથી કચરો પણ સાફ થાય છે. આ ગાર્બેજ કેફેમાં જે વ્યકિત એક કિલો પ્લાસ્ટિકનો કચરો લઇ આવે એને એક ટંકનું ભોજન અને ૫૦૦ ગ્રામ કચરો લાવનારને નાસ્તો મફતમાં આપવામાં આવશે. હાલમાં ઇન્દોર પછી અંબિકાપુર એ દેશનું બીજા નંબરનું સૌથી સ્વચ્છ શહેર છે. આ શહેરને પ્લાસ્ટિકમુકત કરવા માટે સુધરાઇએ અનેક હટકે વિકલ્પો અપનાવ્યા છે. અહીં આઠ લાખ પ્લાસ્ટિક બેગોમાં ડામરનું મિશ્રણ કરીને પ્લાસ્ટિકનો રોડ પણ બનાવવામાં આવ્યો છે. શહેરના મેયર અજય તિરકેનું કહેવું છે કે આ કેફેને શરૂઆતથી જ બહુ સારો રિસ્પોન્સ મળી રહ્યો છે.

(1:16 pm IST)
  • હવે તેઓ આઈસીસીની કોઈ ટુર્નામેન્ટમાં રમી નહિં શકે અને તેમના બેન્ક એકાઉન્ટ ફ્રીઝ કરવામાં આવ્યા છે : ઓલરાઉન્ડર સોલોમન માયરે રિટાયરમેન્ટ લઈ લીધુ access_time 2:37 pm IST

  • સોનભદ્ર હત્યાકાંડના પીડિતો સાથેની મુલાકાત બાદ પ્રિયંકાએ 26 કલાકના ધરણાં પુરા કર્યા : મૃતકોના પરિવારને 10 લાખ રૂપિયાની આર્થિક મદદનો વિશ્વાસ અપાવ્યો access_time 7:50 pm IST

  • બનાસકાંઠામાં ફરી તીડનું આક્રમણ : ફળદુ સ્થળ પર જવા રવાના થયાઃ ૧૫ દિ'માં બીજી વખત તીડ ત્રાટકયાઃ પાકિસ્તાન સરહદેથી તીડના ટોળા આવી રહ્યા છેઃ પાકિસ્તાનનો હાથઃ ગુજરાતને ત્રસ્ત કરી રહ્યાનો દાવોઃ ૧ તીડ ૧૦ હજાર ઈંડા આપે છેઃ રણ વિસ્તારમાં મોટું નુકશાન સર્જાવાનો ભય access_time 1:09 pm IST