Gujarati News

Gujarati News

News of Tuesday, 19th January 2021

તાંડવના નિર્માતા-નિર્દેશકની આજે મુંબઇમાં લખનૌ પોલીસ પુછપરછ કરશે

યુપીમાં સાધુ-સંતો હિન્દુ દેવી-દેવતાઓના અપમાન અને જાતિગત ભાવનાઓ ભડકાવાનો આરોપ : મુંબઇ કુચ કરવા ચેતવણી આપેલ

લખનૌ, તા. ૧૯ :  બોલીવુડ ફિલ્મ અભિનેતા સૈફ અલી ખાન, ડિંપલ કાપડીયા, અલીમીશાન સ્ટારર વેબ સીરીઝ 'તાંડવ' ના વિરોધની આગ યુપી સુધી પહોંચી ગઇ છે. અહીં મોટા પાયે વિરોધ થયો છે. નિર્દેશક અલી અબ્બાસ ઝફરની વેબ સીરીઝ તાંડવમાં ધાર્મિક અને જાતિગત ભાવનાઓ ભડકાવવાના આરોપો લાગ્યા છે.

ઉત્તરપ્રદેશના અયોધ્યા, મધુરા, કાશી અને પ્રયાગરાજમાં સાધુ સુતો અને ઘણા સંગઠનોએ મોરચો ખોલ્યો છે. લખનૌના હઝરતગંજ પોલીસ સ્ટેશનમાં વેબ 'તાંડવ'ના નિર્માતાઓ અને એમેઝોન પ્રાઇમ વિરૂધ્ધ ફરીયાદ નોંધાવી છે. જેમાં કથીત રૂપે હિન્દુ દેવી-દેવતાઓના અપમાન અને જાતિગત ભાવનાઓ ભડકાવા, શાસકીય વ્યવસ્થાને નુકશાન પહોંચાડવાનો આરોપ લગાડાયો છે. સાધુ-સંતોએ નારાજગી વ્યકત કરી સેન્સર બોર્ડને બેન લગાડવાની માંગ કરી છે. તેમણે ચેતવણી પણ આપેલ કે જો સરકાર બેન નહી લગાડે તો આંદોલન કરશે અને જરૂર પડયે મુંબઇ કુચ પણ કરવાનું જણાવેલ.

જો કે વેબ સીરીઝના નિર્માતાએ ઉહાપોહ અને વિરોધ જોતા માફી માંગી લીધી છે. જો કે હઝરતગંજ પોલીસ સ્ટેશનના અધિકારીઓએ આ મામલે સખત કાર્યવાહી કરવાનું નકકી કરેલ અને ગઇકાલ જ અનિલકુમાર સિંહના નેતૃત્વમાં એક ટીમ મુંબઇ રવાના થયેલ. જે આજે ડાયરેકટર અલી અબ્બાસ ઝફર, હિમાંશુ કૃષ્ણ મહેરા, લેખક ગૌરવ સોલંકી અને એમેઝોનના ઇન્ડીયા હેડ અપર્ણા પુરોહિતની પુછપરછ કરશે.

આઇટી એકટની કલમમાં આજીવન કેદ સુધીની સજાની જોગવાઇ છે. જેથી પુછપરછ બાદ પોલીસ ધરપકડ પણ કરી શકે છે. જો કે તે અંગે નિવેદન બાદ જ નિર્ણય લેવાશે.

(2:55 pm IST)
  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST