Gujarati News

Gujarati News

News of Tuesday, 18th June 2019

2027માં વસ્તીના મામલે ભારત દુનિયાનો નંબર વન દેશ બનશે: ચીનને પાછળ છોડશે ! : યુએનનો અહેવાલ

વર્ષ 2050 સુધી ભારતની વસ્તીમાં 27 કરોડ 30 લાખ લોકો વધુ ઉમેરાશે

નવી દિલ્હી :આગામી આઠ વર્ષમાં વસ્તીના મામલે ભારત દુનિયાનો નંબર વન દેશ બની જશે ભારત ચીનને પછાડી આગળ નીકળી જશેયુએનના એક રિપોર્ટમાં એક અંદાજ મુજબ વર્ષ 2050 સુધી ભારતની કુલ વસ્તીમાં 27 કરોડ 30 લાખ લોકો વધુ ઉમેરાશે.

  ધ વર્લ્ડ પોપ્યૂલેશન પ્રોસ્પેક્ટ્સ' 2019 નામના હેવાલ મુજબ 2019માં ભારતની અંદાજિત વસ્તી 1.37 અરબ જ્યારે ચીનની વસ્તી લગભગ 1.43 અરબ છે. 2027 સુધીમાં ભારતની વસ્તી ચીનથી વધારે થઇ જશે

 . યૂએનના ડિપાર્ટમેન્ટ ઓફ ઇકોનોમિક એન્ડ સોશિયલ અફેયર્સના પોપ્યુલેશન ડિવિઝનની રિપોર્ટ મુજબ, 2050 સુધી દુનિયાની વસ્તીમાં 2 અરબ લોકોનો વધારો થવાનો અંદાજ છે.

દુનિયની વસ્તી આવનારા 30 વર્ષોમાં વર્તમાન 7.7 અરબથી વધીને 9.7 અરબ થઇ જવાની આશંકા વ્યક્ત કરાઇ રહી છે. રિપોર્ટમાં દર્શાવાયું છે કે 2050 સુધી 55 દેશોની વસ્તી ઓછામાં ઓછી 1 ટકા ઘટી શકે છે. સંયોગથી 2010 સુધી 27 દેશોની વસ્તીમાં લઘુત્તમ 1 ટકાનો ઘટાડો નોંધવામાં આવ્યો છે.

 ઘણા બધા દેશોમાં વસ્તી ઘટવાના ટ્રેન્ડ પાછળ ખરાબ જન્મદરને જોવાઇ રહ્યો છે. કેટલાક મામલામાં બીજા દેશોમાં વિસ્થાપિત હોવું પણ એક કારણ છે.

 જો ઘટતી વસ્તી વાળા 55 દેશોની વાત કરીએ તો તેમા ચીનમાં 2050 સુધી 2.2 ટકા અથવા 3.14 કરોડનો ઘટાડો થવાની આશા દર્શાવાઇ રહી છે. આ દરમિયાન ભારતમાં 2.73 કરોડ વસ્તીનો વધારો થવાનું અનુમાન છે. 2027મા ભારતના ચીનથી આગળ નીકળ્યા બાદ દુનિયાના સૌથી વધારે વસ્તી વાળા 5 દેશોમાં કોઇ બદલાવ નહીં થાય અને તેમા સદી દરમિયાન કોઇ બદલાવ નહીં આવે.

(1:03 pm IST)
  • ટીવી ચેનલોને સરકારની તાકીદ : મોદી સરકારે તમામ ટીવી ચેનલોને ટીવી ઉપર રીયાલીટી શો અને કાર્યક્રમોમાં બાળકોને અયોગ્ય, અજુગતા અને સજેસ્ટીવ સ્વરૂપે નહિં બતાવવા આદેશ આપ્યા છે access_time 4:03 pm IST

  • વહેલી સવારે ૩.૪૯ કલાકેઃ આંદામાન-નિકોબાર ટાપુઓમાં ૪.૯ રીકટર સ્કેલના જોરદાર આંચકાઃ કેન્દ્ર આંદામાન ટાપુઓઃ અહીં અવારનવાર ભૂકંપના ઝાટકા આવતા રહે છેઃ લોકો ભર નિંદરમાં હતા ત્યારે વહેલી સવારે આંચકા આવતા બેબાકળા બની ભાગવા લાગેલ, કોઈ જાનહાની નથીઃ આ પહેલા નિકોબાર ટાપુઓમાં ૪.૭ રીકટર સ્કેલના આંચકા આવેલ access_time 11:28 am IST

  • સૌરાષ્ટ્ર-કચ્છ-ગુજરાતમાં ચારેકોર વરસાદના વાવડ : રાજકોટ-ગીરજંગલ-ભાવનગર સહિત સૌરાષ્ટ્રમાં ઠેર-ઠેર વરસાદ પડી રહયાનું -સવારે પડી ગયાનું જાણવા મળે છે. ઉ.ગુજરાતમાં અને કચ્છમાં પણ સારા વરસાદના વાવડ છે. બનાસકાંઠા જીલ્લાના કેટલાક વિસ્તારોમાં વરસાદ પડી રહયો છે. : પાલનપુર, ડીસા, ધાનેરા, દાંતીવાડામાં વરસાદ વાપી અને આસપાસના વિસ્તારોમાં વરસાદ અમરેલી જીલ્લાના ગ્રામ્ય વિસ્તારોમાં વરસાદ રાજુલા જુની માંડરડી આગરીયા, કોટડી, ધારેશ્વરમાં વરસાદ જાફરાબાદના લોર, પીછડી, એભલવડ, માણસામાં વરસાદ : લાઠીમાં પણ ધીમીધારે વરસાદ પાટણમાં પણ વાતાવરણમાં પલટો access_time 1:05 pm IST