Gujarati News

Gujarati News

News of Tuesday, 18th May 2021

2-3 મહિનામાં વેક્સિન આપવી શક્ય નથી : અદાર પુનાવાલાએ ટ્વિટ ડિલિટ કરી નાખ્યું : અનેક તર્કવિતર્ક

અદાર પુનાવાલાએ કે અમે દેશના લોકોના ભોગે વેક્સિન વિદેશ મોકલી નથી.

નવી દિલ્હી : દેશમાં કોરોના વેક્સિનની અછત પર સીરમ ઈન્સ્ટીટ્યુટના ચીફ અદાર પુનાવાલાએ જણાવ્યું કે અમે દેશના લોકોના ભોગે વેક્સિન વિદેશ મોકલી નથી.હાલમાં લંડનમાં રહેલા પુનાવાલાએ જણાવ્યું કે ભારત ગીચ વસતી ધરાવતો વિશ્વનો બીજો મોટો દેશ છે. આટલી મોટી સંખ્યાની વસતીને 2-3 મહિનામાં વેક્સિન આપવી શક્ય નથી.  તેમ કહ્યા બાદ ટ્વીટ ડીલીટ કરી નાખ્યું છે

સિરમ ઈન્સ્ટીટ્યુટ ઓફ ઈન્ડીયાએ પણ જણાવ્યું કે અમે ભારતના લોકોની ઉપેક્ષા કરીને વિદેશમાં વેક્સિન મોકલી નથી અને દેશના વેક્સિનેશન અભિયાનના સમર્થનમાં અમારાથી જે થાય તે કરવા કટિબદ્ધ છીએ

સિરમ ઈન્સ્ટીટ્યુટે જણાવ્યું કે જાન્યુઆરી 2021 માં કંપનીની પાસે વેક્સિનનો એક મોટો ભંડાર હતો. વેશ્વિક ગઠબંધન COVAX પ્રત્યે અમારી જવાબદારી હતી જેથી કરીને તેઓ મહામારીના ખાતમા માટે વૈશ્વિક સ્તરે વેક્સિન વિતરણ કરી શકે. તેમણે કહ્યું કે બીજી એક ખાસ વાત કે જે લોકોના ધ્યાનમાં આવતી નથી તે એ છે કે આપણે દુનિયાના સૌથી વધારે વસતી ધરાવતા દેશમાંના એક છીએ. આટલી મોટી વસતીનું વેક્સિનેશન 2-3 મહિનામાં પૂરુ ન થઈ શકે. કારણ કે તેમાં ઘણા પડકારો રહેલા છે. આખી દુનિયાની વસતીના વેક્સિનેશન માટે તો 2-3 વર્ષ લાગી શકે. 

સિરમે કહ્યું કે અમે 200 મિલિયન કરતા પણ વધારે ડોઝ વિતરીત કર્યાં છે. જો આપણે ઉત્પાદિત અને વિતરીત કુલ ડોઝની દ્રષ્ટિએ જોઈએ તો આપણે દુનિયાના ટોચના 3 દેશોમાં સામેલ છીએ.

(11:42 pm IST)
  • કોરોનાને રોકવા માટે જે કરવુ પડે એ કરોઃ તમને ફ્રી હેન્ડઃ ટેસ્ટિંગ, ટ્રેકિંગ, વેકસીનેશનનો આપ્યો મંત્ર : વડાપ્રધાન મોદીએ દિલ્હી, બિહાર, કર્ણાટક સહિત ૧૦ રાજયોના જીલ્લા અધિકારીઓને કર્યુ સંબોધન : અચકાયા વગર સંપૂર્ણ પ્રયત્ન કરો, મારા તરફથી બધી છૂટ છેઃ મોદીએ અધિકારીઓને ગણાવ્યા ફિલ્ડ કમાન્ડર access_time 3:51 pm IST

  • તૌકત્તે વાવાઝોડા અસર:વલસાડ જિલ્લાના તિથલના દરિયા કિનારા સહિત જિલ્લાના 70 કિલોમીટરના દરિયાકિનારે પણ અનેક વિસ્તારોમાં તોફાની પવનને કારણે કાચા મકાનોના છાપરા ઉડયા હતા.તિથલના દરિયા કિનારે કાચા સ્ટોલના છત પણ ઉડી ગઈ હતી. અને સ્ટોલ ધારકોનો સામાન રાત્રે પણ વેરવિખેર થઈ ગયો હતો.(કાર્તિક બાવીશી ) access_time 9:55 am IST

  • વેક્સીન માટે હજુ રાહ જાવી પડશે : સેન્ટરો ખોલવા માટે હજુ સુધી સરકારનો કોઈ આદેશ નહિં : રાજય સરકારે વાવાઝોડાને કારણે તા.૧૭ અને ૧૮ ઍમ બે દિવસ માટે કોરોના વેક્સીન મૂકવાના સેન્ટરો બંધ રાખવા આદેશ કરેલ : આ આદેશ બાદ હજુ સુધી વેક્સીન સેન્ટરો ખોલવા માટે કોઈ આદેશ નથી : નવો આદેશ આવે ત્યાં સુધી મનપા વેક્સીન સેન્ટરો ખોલશે નહિં access_time 4:58 pm IST