Gujarati News

Gujarati News

News of Friday, 18th January 2019

અમેરીકામાં ખાવાના સાંસા પડતા વિદેશી સંસ્થાઓએ ખાણીપીણીની ચીજો મોકલાવી

દેશમાં ચાલતા શટડાઉનના કારણે ઉભી થયેલી પરિસ્થિતીમાં વિવિધ દેશોએ રાહત સામગ્રી પૂરી પાડી

વોશિંગ્ટન, તા.૧૮:  અમેરિકામંાં ૨૬ દિવસથી  દિવસોથી ચાલતી શટડાઉનની સ્થિતીના કારણે હવે દેશમાં કેટલાંક લોકોને ખાવાના પણ સાંસા પડતા આવી વિકટ સ્થિતીમાં વિદેશી સંસ્થાઓએખાણીપીણીની ચીજો મોકલાવીને લોકોને મદદરૂપ બનવાના પ્રયાસો કર્યા છે.જેમાં કામબંધીના લીધે જે કર્મચારીઓ પર વિશેષ અસર પડી છે તેમને સ્પેનના એક જાણીતા શેફની માનવીય સહાયતા સંસ્થા તરફથી સૂપ અને સેન્ડવીચનુ વિતરણ કરવામા આવી રહ્યુ છે.

સમાચાર સંસ્થા એફેના જણાવ્યા અનુસાર શેર જોસ આંદ્રેસના વર્લ્ડ કિચનવ તરફથી અમેરિકાના સંધીય કર્મચારીઓને ભોજનની સુવિધા પુરી પાડવામા આવી રહી છે. આમા મોટાભાગના કર્મચારીઓ એવા છે કે જેઓને પગાર મળ્યો નથી.આંદ્રેશનુ આ કિચન ૨૦૧૦માં હેતીમાં આવેલા ભૂકંપ હબાદ અને પ્યૂટરે રિકોમાં ૨૦૧૭મા આવેલા તોફાન મારિયાથી અસરગ્રસ્ત થયેલા લોકોને પણ ભોજનનની સુવિધા પુરી પાડી ચુક્યુ છે.મિશેલિન સ્ટાર શેફે જણાવ્યુ કે તે સરકારી કામબંધીને એક અન્ય પ્રકારની આપાતકાલિન સ્થિતી માને છે. દિવાલ બનાવવાના મામલે રાષ્ટ્રપ્રમુખ અને કોંગ્રેસ વચ્ચેના વિવાદ બાદ લગભગ ૮૦ હજાર સંઘીય કર્મચારીઓને પગાર મળ્યો નથી તેથી ૨૬ દિવસ બાદ હવે આવા લોકોને ખાવા-પીવાની બાબતે ભારે હાલાકી પડી રહી છે જોકે દેશમાં ઉભી થઈ રહેલી આવી વિકટ પરિસ્થિતીનો ઉકેલ લાવવા વ્હાઈટ હાઉસના સત્તાધીશો સંઘીય કર્મચારીઓના પગારને લઈને વૈકલ્પિક વ્યવસ્થા ઉભી કરવાની દિશામાં પ્રયાસો કરી રહ્યા છે.

બીજી તરફ રાષ્ટ્રપ્રમુખ ટ્રમ્પ હજુ પણ દિવાલ બનાવવાના મામલે અડગ છે.તેના પરથી લાગી રહ્યુ છે કે દેશમાં હજુ પણ થોડા દિવસ શટડાઉનની સ્થિતી ચાલુ રહેશે. રાષ્ટ્રપ્રમુખ ટ્રમ્પ  તરફથી એવો દાવો કરવામા આવી રહ્યો છે કે તેમની આવી માગણીથી લોકો ખુશ છે.જ્યારે તંત્રએ દાવો કર્યો છે કે આગામી મંગળવાર સુધીમાં આવી સ્થિતીનો ઉકેલ આવી જાય તેમ લાગે છે.(૨૨.૧૨)

(4:13 pm IST)
  • કર્ણાટકની ગઠબંધન સરકાર ઉપર ફરીથી ખતરાના એંધાણ : કોંગ્રેસ પાર્ટીએ શક્તિ પ્રદર્શન માટે બોલાવેલી મિટિંગમાં 4 અસંતુષ્ટ ધારાસભ્યો ગેરહાજર : ભાજપ દ્વારા સરકારને અસ્થિર કરવાના પ્રયાસો થઇ રહ્યા હોવાનો આક્ષેપ access_time 8:26 pm IST

  • ભાજપના સાંસદ શત્રુઘ્નસિંહાએ કહ્યું કે રાષ્ટ્ર મંચના પ્રતિનિધિ તરીકે મમતા બેનર્જીની રેલીમાં જઈશ ; શત્રુઘ્નસિંહાએ કહ્યું કે હજુ સુધી પાર્ટી પ્રત્યે મારી વફાદારી પર સવાલ કરી શકાય નહીં,હું ભાજપમાં ત્યારે સામેલ થયો હતો જયારે તે બે સાંસદની પાર્ટી હતી access_time 1:18 am IST

  • ગોધરામાં વરલીના જુગાર ઉપર સ્ટેટ મોનીટરીંગ સ્કવોડ ત્રાટકીઃ પીએસઆઈ કે.એન. લાઠીયા અને ટીમે જુગટુ ખેલતા ૧૧ આરોપીઓને રૂ. ૧ લાખથી વધુના મુદ્દામાલ સાથે ઝડપી લીધાઃ સંવેદનશીલ વિસ્તારમાં દરોડાના પગલે લોકોના ટોળા એકઠા થયાઃ ખળભળાટ access_time 3:15 pm IST