Gujarati News

Gujarati News

News of Monday, 16th April 2018

યુધ્ધગ્રસ્ત ઇરાકમાં જીવનું જોખમ છતાં લોકો નોકરી અને સારા પગાર માટે ત્યાં જવા ભારતીય શ્રમીકો

ઇરાક ગયેલા ૩૯ની આઇએસઆઇએસ દ્વારા હત્યા કરવામાં આવી હતી તેમાંથી ૨૭ પંજાબના

ચંડીગઢ તા. ૧૬ : વધુ સારું જીવન જીવવાનું સપનું લઈને ઈરાક ગયેલા અને ત્યાંથી પાછા ફરેલા હજારો પંજાબીઓ ઈરાકમાં ભારતીય કામદારોની સામૂહિક હત્યા કરવામાં આવી હોવા છતાં હજુ પણ યુદ્ઘગ્રસ્ત ઈરાકમાં નોકરી મેળવવાની આશા સેવી રહ્યા છે અને તે પણ ગેરકાયદે માર્ગે.

ઈરાક ગયેલા જે ૩૯ શ્રમિકોની આઈએસઆઈએસ દ્વારા હત્યા કરવામાં આવી હતી તેમાંથી ૨૭ પંજાબના હતા.  ટ્રાવેલ એજન્ટોનું કહેવું છે કે યુદ્ઘગ્રસ્ત ઈરાકમાં જીવનું જોખમ હોવા છતાં લોકો હજુ નોકરી અને સારા પગાર માટે ત્યાં જવા ઉત્સુક છે.

અનેક લોકો યોગ્ય દસ્તાવેજો વિના જ જઈ રહ્યા છે એમ જણાવતાં તેમણે કહ્યું હતું કે પંજાબમાં ગેરકાયદે ફૂટી નીકળેલા ટ્રાવેલ એજન્ટો પર અંકુશ આણવા પરવાના પદ્ઘતિનો કડક અમલ કરવાની અમે હાકલ કરી છે.

નોકરી-રોજગાર માટે અન્ય દેશમાં જવા પાછળનું મુખ્ય કારણ પંજાબમાં બેરોજગારીનું વધેલું પ્રમાણ છે એમ જણાવતાં પંજાબ ટ્રાવેલ એજન્ટ એસોસિયેશનના પ્રમુખ કુલજીતસિંહે કહ્યું હતું કે આ લોકો ગેરકાયદે ટ્રાવેલ એજન્ટ મારફતે જવાનો પ્રયાસ કરે છે અને ફસાઈ જાય છે.

લોકોને ઈરાક લઈ જવામાં મદદ કરતા ગેરકાયદે ટ્રાવેલ એજન્ટનો કોઈ ચોક્કસ આંકડો ઉપલબ્ધ ન હોવાનું જણાવતાં તેમણે કહ્યું હતું કે ટ્રાવેલ ઉદ્યોગના નિષ્ણાતોનું માનવું છે કે ગેરકાયદે ટ્રાવેલ એજન્ટોની સંખ્યા હજારોમાં છે.

યુદ્ઘગ્રસ્ત ઈરાકમાં માળખાકીય સુવિધાઓ ઊભી કરવા અનેક આંતરરાષ્ટ્રીય કંપનીઓને હજારોની સંખ્યામાં મજૂરોની જરૂર પડે છે.

આ મજૂરોને દુબઈમાં મળતા માસિક રૂ.૨૨૦૦૦ના પગારની સરખામણીએ ઈરાકમાં માસિક રૂ.૫૦૦૦૦થી ૬૫૦૦૦નો પગાર મળે છે.

આમાં માત્ર ટ્રાવેલ એજન્ટોનો જ દો, નથી, પરંતુ ઈરાકમાં જીવનું જોખમ હોવાનું જાણતા હોવા છતાં ત્યાં જવાની ઉત્સુકતા દર્શાવતા લોકો પણ એટલા જ જવાબદાર છે, એમ તેમણે કહ્યું હતું.(૨૧.૭)

 

(11:40 am IST)
  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST

  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST