Gujarati News

Gujarati News

News of Tuesday, 16th October 2018

શિયાળુ પાકો માટે ફાયદાકારક રહેશે ચોમાસાની મોડી વિદાય

રવિ વાવેતર સારૂ થવાની કેન્દ્રીય કૃષિ-કમિશ્નરને આશા

નવી દિલ્હી, તા. ૧૬ :. દેશમાં ચોમાસાની મોડી વિદાય શિયાળુ પાકો માટે ફાયદાકારક સાબિત થાય એવી સંભાવના છે. દેશમાં રાજસ્થાનમાં કેટલાક વિસ્તારોમાં શિયાળુ પાકોનું વાવેતર પણ શરૂ થઈ ચૂકયું છે અને મોડી વિદાય લાભકારક રહેશે એમ કેન્દ્રીય કૃષિ કમિશ્નર એસ.કે.મલ્હોત્રાએ જણાવ્યું હતું. દેશમાં ઓકટોબર મહિનાથી જ ઘઉં, જવ, ચણા, મસુર, રાયડો સહિતના શિયાળુ પાકોનું વાવેતર શરૂ થઈ જાય છે જે છેક નવેમ્બર મહિના સુધી ચાલુ રહે છે.

મલ્હોત્રાએ વધુમાં જણાવ્યું હતું કે 'જમીનમાં ભેજનું પ્રમાણ કેટલુ રહે છે? એના પર સમગ્ર પાકોના ઉતારાનો આધાર રહેલો છે. વરસાદ હાલ અમુક વિસ્તારોમાં પડયો હોવાથી જમીનમાં ભેજનું પ્રમાણ સચવાઈ રહે છે. કેટલાક વિસ્તારોમાં વાવેતર પણ શરૂ થઈ ગયું છે. ચાલુ વર્ષે ચોમાસાની વિદાય દેશના મોટાભાગના વિસ્તારોમાં સામાન્ય રીતે ૧ સપ્ટેમ્બરે થતી હોય છે એને બદલે એક મહિનો લેટ થઈ હતી જેનો ફાયદો રવિ પાકોને થઈ રહ્યો છે.'

રાજસ્થાનમાં શિયાળુ પાકોના વાવેતર માટે હાલ અનુકુળ સમય છે અને જમીનમાં ભેજ પણ સારો છે, જેને પગલે રાયડાનું વાવેતર એકાદ સપ્તાહમાં જ શરૂ થઈ જાય એવી સંભાવના છે. દેશમાં શિયાળુ પાકોનું વાવેતર સરેરાશ ૭૦૦થી ૭૨૦ લાખ હેકટર જમીનમાં થાય છે. ઘઉંના વાવેતર માટે પણ ખેડૂતો તૈયારી કરી રહ્યા છે અને આગામી થોડા દિવસમાં વાવેતર શરૂ થઈ જશે. દેશમાં ચાલુ વર્ષે ઘઉંનું ઉત્પાદન ૧૦૦૦ લાખ ટન કરવાનો લક્ષ્યાંક સરકારે રાખ્યો છે.(૨-૪)

(11:39 am IST)
  • અમદાવાદ શહેર પોલીસ કમિશનર દ્વારા દુર્ગા પૂજાને લઈ જાહેરનામું બહાર પડાયું: નદી કે તળાવમાં દુર્ગા માતાની મૂર્તિ પધરાવવા પર પ્રતિબંધ: જાહેરનામાનો ભંગ કરનાર સામે કાર્યવાહી કરાશે access_time 1:00 am IST

  • હાલોલના રામેશરા ગામે 3560 કિલો અખાદ્ય ગોળનો જથ્થો ઝડપાયો : પંચમહાલ જિલ્લાના હાલોલના રામેશરા ગામમાં આવેલ અક્ષય ટ્રેડિંગ કંપનીના ગોડાઉનમાંથી 89000ની કિંમતનો 3560 કિલો અખાદ્ય ગોળ ગોધરા આર આર સેલે ઝડપી પાડ્યો access_time 1:05 am IST

  • કચ્છ : સ્વાઇફ્લૂના વધુ બે પોઝીટીવ કેસ નોંધાયા: કચ્છમાં ચાલુ વર્ષે સ્વાઇન ફ્લૂના ૧૮ કેસ પોઝીટીવ નોંધાયા :કુલ ચાર દર્દી હજુ સારવાર હેઠળ access_time 1:08 am IST