Gujarati News

Gujarati News

News of Monday, 16th September 2019

જમ્મૂ કાશ્મીરના આતંકીઓ સાથે ખાલિસ્તાની ઉગ્રવાદીઓનું ગઠબંધનઃ સુરક્ષા એજન્સીઓ દ્વારા ચેતવણી

જમ્મુના લખનપુરમાંથી પકડાયેલા જૈશ-એ-મોહમ્મદના ત્રણ આતંકવાદીઓના હેન્ડલર અને અન્ય સાથીદારોને પકડવા પોલીસે કાશ્મીરથી લઈને પંજાબ સુધી દરોડા પાડ્યા હતા. આ દરમિયાન પુલવામાથી વધુ બે શકમંદોને પૂછપરછ માટે અટકાયતમાં લેવામાં આવ્યા છે.

બીજી તરફ પકડાયેલા આતંકવાદીઓના મોબાઇલ ફોનને ફોરેન્સિક તપાસ માટે મોકલી દેવામાં આવ્યા છે. તપાસ અધિકારીઓનો દાવો છે કે, ટૂંક સમયમાં કાશ્મીરી આતંકવાદીઓ અને ખાલિસ્તાની ઉગ્રવાદીઓના ગઠબંધન અને એક મોટા હવાલા નેટવર્કનો પર્દાફાશ થશે.

(3:49 pm IST)
  • રાષ્ટ્રપતિ રામનાથ કોવિંદને લઈ જતા એર ઈન્ડિયા વન વિમાન ટેકનીકલ ખામી આવી ગઈ હતી. આને કારણે વિમાનને ત્રણ કલાક માટે સ્વીત્ઝર્લેન્ડના ઝુરિક એરપોર્ટ પર રોકાવું પડ્યું હતું. મળતી માહિતી મુજબ એર ઇન્ડિયા વન વિમાનની પાછળની પાંખમાં ખામી સર્જાઈ હતી. આ વિમાન ઝુરિકથી સ્લોવેનીયા જી રહ્યું હતું. તમને જણાવી દઈએ કે રાષ્ટ્રપતિ કોવિંદ હાલમાં આઇસલેન્ડ, સ્વીત્ઝર્લેન્ડ અને સ્લોવેનીયાની યાત્રા પર છે. access_time 11:51 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • ૧૩૮II ઇંચ : સાંતાક્રુઝમાં ૬૫ વર્ષનો રેકોર્ડ બ્રેક વરસાદ નોંધાયો : મુંબઇ-સાંતાક્રુઝમાં ચોમાસાની સીઝનનો ૬૫ વર્ષનો વરસાદી રેકોર્ડ તુટયો છે. (૧ જુનથી ૩૦ સપ્ટે. સુધી) આજે ૧૬ સપ્ટેમ્બર સવારે ૮II સુધીમાં મુંબઇના સાંતાક્રુઝ ખાતે ૩૪૬૨.૮ મી.મી. (૧૩૮II ઇંચ) જે છેલ્લા ૬૫ વર્ષમાં પડેલ સૌથી વધુ વરસાદ છે. access_time 4:38 pm IST