Gujarati News

નવી દિલ્હીઃ ઈન્ડિયન પ્રમીમિયર લીગ 2013માં સ્પોર્ટ ફિક્સિંગના દોષી સ્પિન બોલર અંકિત ચવ્હાણ ઉપર બીસીસીઆઈએ બેન હટાવ્યો છે. આ સાથે જ તે પ્રતિસ્પર્ધિત ક્રિકેટ રમવા માટે યોગ્ય થયો છે. મુંબઈ ક્રિકેટ સંઘના એક સૂત્રએ સમાચાર એજન્સી એએનઆઈને કહ્યું હતું કે, બીસીસીઆઈએ આ ખેલાડી ઉપર લાગેલા બેનને હટાવી દીધો છે. જોકે ક્રિકેટ બોર્ડે આ બેન હટાવવાને લઈને સત્તાવાર નિવેદન રજૂ કર્યું નથી

 અત્રે ઉલ્લેખનીય છે કે 2013માં આઈપીએલ મેચમાં સ્પોર્ટ ફિક્સિંગ મામલામાં આ ખેલાડીની ધરપકડ કરી હતી. અંકિતની સાથે ફાસ્ટ બોલર શ્રીસંત અને અજીત ચંદિલાને પણ દિલ્હી પોલીસે કસ્ટડીમાં લીધા હતા.

 આ ત્રણે ખેલાડી આઈપીએલમાં રાજસ્થાન રોયલ્સ માટે રમતા હતા. ધરપકડ બાદ અંકિત અને શ્રીસંતને બીસીસીઆઈએ આજીવન બેન લગાવી દીધો તો. ત્યારબાદ આ મામલે સુનાવણી થઈ રહી છે. જુલાઈ 2015માં દિલ્હી હાઈકોર્ટમાં આ ખેલાડીઓ ઉપર લાગેલા સ્પોર્ટ ફિક્સિંગના આરોપમાં ક્લીનચીન આપવામાં આવી હતી.

 જોકે, બીસીસીઆઈએ પોતાના બેનને ચાલું રાખ્યું હતું. પરંતુ શ્રીસંતે હાર માની નહીં અને પોતાનો સંઘર્ષ ચાલું રાખ્યો હતો. પરિણામ એ આવ્યું કે ગત વર્ષે બીસીસીઆઈએ આ બોલર ઉપરથી બેન હટાવી લીધો હતો