Gujarati News

Gujarati News

News of Thursday, 16th May 2019

બ્રિટનની ''ચોરલી'' કાઉન્સિલમાં મેયરપદે ભરૂચ જિલ્લાના મુસ્લિમ મહિલા ચૂંટાયા

મુળ વાગરા તાલુકાના અરગામાના હસીના ખાન પ્રથમ મુસ્લિમ એશીયન મહિલા મેયર બન્યાં

ભરૂચઃ વાગરા તાલુકાના અરગામા-વોરા પટેલ સમાજના સુવિખ્યાત ખાન સાહેબ પરિવારના વંશજ તેમજ અબ્દુલ્લા ખાનસાબ અરગામાવાલાનાં પુત્રી હસીના ખાન સતત ચાર વાર કાઉન્સિલર તરીકે ચૂંટાઈ આવ્યા બાદ હાલ કાઉન્સિલમાં મેયર પદે નિમણૂક થતાં લોકોમાં ખુશીની લાગણી વ્યાપવા પામી છે. પ્રાપ્ત માહિતી અનુસાર મૂળ અરગામા ગામના અબ્દુલ્લાહ ખાન સાહેબનાં પુત્રી હસીના ખાન વર્ષોથી ઈંગ્લેન્ડમાં રાજકીય જાહેર જીવનમાં સંકળાયેલાં છે. તેઓ સતત ચારથી વધુ વાર ચોરલી કાઉન્સિલમાં કાઉન્સિલર તરીકે ચૂંટાઈ આવ્યાં છે. ઉપરાંત તેમની પુત્રી પણ સૌથી નાની વયે કાઉન્સિલર તરીકે ચૂંટાઈ આવ્યાંં હતાં. હાલ ચોરલી કાઉન્સિલ સતાધારી લેબર પાર્ટી દ્વારા હસીના ખાનની મેયર પદે દરખાસ્ત રજૂ કરતાં હસીના ખાન બહુમતીથી મેયર પદે ચૂંટાઈ આવ્યાં હતાં. ઉલ્લેખનીય છે કે ઈંગ્લેન્ડની લેન્કશાયર ડિસ્ટ્રીકટ તેમજ નોર્થ-વેસ્ટ ઈંગ્લેન્ડના ઈતિહાસમાં મુસ્લિમ એશિયન મહિલા મેયર પદે ચૂંટાયાં હોવાની આ પ્રથમ ઘટના છે. આ અગાઉ લંડન સિટીના મેયર પદે પાકિસ્તાની મૂળના સાદિક ખાન જંગી બહુમતીથી ચૂંટાઈ આવ્યા.

(1:25 pm IST)
  • વડાપ્રધાને તમને કહેલ કે તેઓ પોતે તમારા બધાના ખાતામાં ૧૫ લાખ નાખશે અને ભાજપના રાષ્ટ્રીય અધ્યક્ષ કહે છે કે તે ચૂંટણી જુમલો હતોઃ શું તમે ફરીથી તેઓ ઉપર ભરોસો કરશો?: પ્રિયંકા તુટી પડયા : ઉત્તરપ્રદેશના મહારાજગંજમાં કોંગ્રેસ મહામંત્રીના ચાબખા access_time 4:33 pm IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST

  • રાજકોટમાં અતુલ મોટર્સનો કર્મચારી પાર્થ ઠાકર ૨૨૫ ગ્રાહકોના વીમા પ્રિમિયમના ૧૯.૬૦ લાખ 'ખાઇ' ગયો!: ઇન્સ્યુરન્સ એકઝીકયુટિવ તરીકે કામ કરતાં વિશ્વનગરના બ્રાહ્મણ શખ્સે ૨૦૧૬ થી ૨૦૧૮ સુધીમાં ગ્રાહકોની વિમા પ્રિમીયમની રકમ ઉઘરાવી જમા જ ન કરાવીઃ કંપનીના સીઇઓ સમર્થ ચાંદ્રાની એ-ડિવીઝનમાં ફરિયાદઃ આરોપી સકંજામાં access_time 11:22 am IST