Gujarati News

Gujarati News

News of Monday, 15th April 2019

ટિક ટોક એપ પર પ્રતિબંધ લાદવા મદ્રાસ હાઇકોર્ટના આદેશ પર રોક લગાવવા સુપ્રિમકોર્ટનો ઇનકાર :22મીએ સુનાવણી

નવી દિલ્હી ભારતમાં લોકપ્રિય એપ ટિકટોકને લઇને આજે સુપ્રીમમાં સુનાવણી કરાઇ હતી. જેમાં સુપ્રીમ કોર્ટે ટિક ટોક એપ પ્રતિબંધ લાદવાના મદ્રાસ ઉચ્ચતમ ન્યાયાલયના આદેશ પર રોક લગાવવાનો ઇનકાર કર્યો છે. મુખ્ય ન્યાયાધીશ રંજન ગોગોઇની અધ્યક્ષતા ધરાવતી ખંડપીઠ આ અંગે આગામી 22 એપ્રિલે સુનાવણી હાથ ધરશે. આવતીકાલે મદ્રાસ ઉચ્ચતમ ન્યાયાલય આ અંગે સુનાવણી કરવાની હોવાથી સુપ્રીમ કોર્ટે સુનાવણી માટે 22 એપ્રિલ નક્કી કરી છે.

 

સર્વોચ્ચ ન્યાયાલય ટિક ટોક એપ પર પ્રતિબંધ લાદવાના કેન્દ્રને નિર્દેશ સંબંધિત મદ્રાસ ઉચ્ચ ન્યાયાલયના આદેશ વિરુદ્વ કરાયેલી અરજી પર 15 એપ્રિલના રોજ સુનાવણી કરવા માટે સહમત થયું હતું. ન્યાયાલયે આ એપ મારફતે અશ્લીલ સામગ્રીના લોકો સુધી ફેલાવા પર રહેલી ચિંતાને નજરમાં રાખીને નિર્દેશ આપ્યો હતો.

અગાઉ ઉચ્ચ ન્યાયાલયની મદુરે ખંડપીઠે 3 એપ્રિલના રોજ કેન્દ્રને નિર્દેશ કરીને મોબાઇલ એપ્લિકેશન ટિક ટોક પર પ્રતિબંધ લાદવા કહ્યું હતું. તેઓએ આ એપ મારફતે અશ્લિલ સામગ્રી લોકો સુધી ફેલાતી હોવાની ચિંતા વ્યક્ત કરી હતી.

(8:37 pm IST)
  • " ફેક ન્યુઝ " : બોગસ વોટિંગ માટે બનાવટી આંગળીઓ વપરાઈ રહી છે : પોલીંગ બુથ ઉપર બેઠેલા અધિકારીઓએ શાહીનું નિશાન કર્યા પછી આંગળી ખેંચી જોઈ ખાતરી કરવી : સોશિઅલ મીડિયામાં ફેસબુક અને ટ્વીટર ઉપર વાઇરલ થઇ રહેલા ન્યુઝ માં દર્શાવાતો ફોટો જાપાનની ગેંગસ્ટર માટેનો છે : તેને ભારતની લોકસભાની ચૂંટણીઓ સાથે કંઈ લેવા દેવા નથી : ટાઈમ્સ ફેક્ટ ચેકનો અહેવાલ access_time 6:40 pm IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST