Gujarati News

Gujarati News

News of Monday, 15th April 2019

BATAએ ગ્રાહક પાસે માંગ્યા થેલીના ત્રણ રૂપિયા : કન્ઝ્યૂમર ફોરમે કંપનીને 9000નો દંડ ફટકાર્યો

પર્યાવરણની એટલી જ ચિંતા છે તો ફ્રી બેગ આપો: બેગ એનવાયરમેન્ટ ફ્રેન્ડલી હોવી જોઈએ

નવી દિલ્હીઃ ભારતીય ફુટવેર કંપની બાટા ઈન્ડિયા લિમિટેડને સેવામાં કમી બદલ 9000 રૂપિયાનો દંડ ફટકારાયો છે એક ગ્રાહકની ફરિયાદ પર કન્ઝ્યૂમર ફોરમે આ ફેસલો સંભળાવ્યો છે. આ મામલે કેી બેગ માટે ગ્રાહક પાસેથી ત્રણ રૂપિયા માંગવા પર શરૂ થયો, ત્યારે થેલીના પૈસા લેવા ગયેલ બાટાએ ખુદ દંડ ચૂકવવો પડ્યો .

    ચંદીગઢના રહેવાસી દિનેશ પ્રસાદ રતૂડીએ પોતાની ફરિયાદમાં કહ્યું કે 5 ફેબ્રુઆરીએ જૂતાં ખરીદવા હું સેક્ટર 22ડીના બાટાના સ્ટોર પર ગયો. પેપર બેગના ચાર્જ સહિત મારી પાસેથી 402 રૂપિયા લેવામા આવ્યા. બેગ પર પોતાની બ્રાન્ડનો પ્રચાર કર્યો હોવા છતા પૈસા લેવા ખોટા છે. કન્ઝ્યૂમર ફેરમે ન માત્ર રતૂડીને 3 રૂપિયાનું રિફન્ડ અપાવ્યું બલકે સેવામાં કમી માટે બાટા પર 9000 રૂપિયાનો દંડ પણ ફટકાર્યો જે ગ્રાહકને આપવામાં આવ્યા.

  કન્ઝ્યૂમર ફોરમે બાટાને સ્પષ્ટ કહી દીધું કે હવેથી તમારા ગ્રાહકોને ફ્રી બેગ આપો. ફોરમ વને કહ્યું કે જોવા મળે છે કે કંપનીઓ પર્યાવરણની ચિંતા જતાવતાં પેપર બેગ રાખે છે. જો તમને પર્યાવરણની એટલી જ ચિંતા છે તો ફ્રી બેગ આપો. આ બેગ એનવાયરમેન્ટ ફ્રેન્ડલી હોવી જોઈએ.

(11:06 am IST)
  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST